AO Canum Venaticorum

De Wikipedia
Saltar a navegación Saltar a la gueta
AO Canum Venaticorum
AO Canum Venaticorum
Constelación Canes Venatici
Ascensión reuta α 13h 17min 32,54s
Declinación δ +40º 34’ 21,4’’
Distancia 286 ± 16 años lluz
Magnitú visual +4,72
Magnitú absoluta -0,02
Lluminosidá 88 soles
Temperatura 7046 K
Masa 2,5 soles
Radiu 5,8 soles
Tipu espectral F3III
Velocidá radial +7,5 km/s

AO Canum Venaticorum (AO CVn / 20 Canum Venaticorum / HD 115604 / HR 5017)[1] ye una estrella variable de la constelación de Canes Venatici, la cuarta más brillosa de la mesma. Entá teniendo magnitú aparente +4,72 nun tien denominación de Bayer.

A 286 años lluz de distancia del Sistema Solar, AO Canum Venaticorum ye una xigante blancu-mariella de tipu espectral F3III. Con una temperatura efectivo de 7046 K, ye 88 vegaes más lluminosa qu'el Sol. Tien un radiu 5,8 vegaes mayor qu'el radiu solar. El so conteníu de fierro ye casi'l doble qu'el del Sol.[2] Con una masa de 2,5 mases solares, la so edá envalórase en 600 millones d'años.[3]

Los sos parámetros físicos son similares a la estrella δ Scuti, anque la so lluminosidá ye mayor que la d'ésta. Tamién comparte la so condición de variable pulsante con esta estrella, una y bones AO Canum Venaticorum tamién ye una variable Delta Scuti. L'amplitú de la so variación ye bien pequeña —apenes 0,05 magnitúes—, tando clasificada como una variable Delta Scuti de baxa amplitú. Anque la mayor parte de les estrelles d'esti subtipo son estrelles de la secuencia principal y estrelles de cúmulos abiertos, AO Canum Venaticorum nun axunta nenguna de los dos condiciones. El so periodu d'oscilación ye de namái 2,92 hores.[4]

Referencies[editar | editar la fonte]

Coordenaes: Sky map 13h 17m 32.541s, 40° 34 21.387