aMule

De Wikipedia
Saltar a: navegación, buscar
Ficha de softwareaMule
EMule mascot.png
Transfer.png
Versión estable 2.2.4
Escritu en C++
Sistema operativu Multiplataforma
Tipu software peer-to-peer y Software llibre
Llicencia GNU
N'asturianu
Más información
Sitiu web Web oficial
Códigu fonte Códigu fonte
Cambiar los datos en Wikidata


aMule ye un programa d'intercambéu P2P llibre y multiplataforma, asemeyáu al afamáu eMule que furrula tanto cola rede eDonkey como con Kademlia.

Deriva del códigu fonte de xMule, qu'al empar remanez del proyeutu lMule, el primer intentu de portar el cliente eMule a Linux. Lo mesmo que eMule, aMule distribúise y asoléyase con una llicencia GNU.

L'oxetivu de aMule ye ser un "eMule multiplataforma", furrulando anguaño nos sistemas operativos Linux, FreeBSD, OpenBSD, NetBSD, Solaris, Mac OS X y Windows, y nes arquiteutures x86, AMD64, UltraSPARC, PowerPC, Macintosh (G4, G5,...), Xbox y NSLU2.

Esisten dos versiones d'aMule, la versión estable, y la versión de desendolcu (SVN), que s'asoleya a diario colos caberos avances. La versión en llingua asturiana 2.2.3 ta anguaño completada, y tamién la versión en desendolcu 2.3.0, de la mano de la comunidá de traductores de Softastur.

Arquiteutura modular[editar | editar la fonte]

A diferencia de eMule, aMule soporta metalinks (enllaces magnéticos; dende la versión 2.2.0) y pue ser compiláu como un únicu programa monolíticu o como un "daemon", lo que dexa la so execución en segundu planu, ensin interfaz gráfico y con un menor consumu de recursos. Pa comunicarse col programa esisten tres interfaces diferentes:

  • aMuleCMD: cliente de llinia de comandos.
  • aMuleGUI: cliente d'interfaz gráfico. Anguaño en desendolcu, polo que-y falten munches de les opciones de la versión monolítica, arriendes de nun ser estable.
  • aMuleWEB: webserver que dexa el remane per aciu d'un navegador web.

Arriendes, esiste tou un protocolu de comunicación criáu pa poder desendolcar aplicaciones que se comuniquen bidireicionalmente col ñúcleu del programa.

Ver tamién[editar | editar la fonte]


Enllaces esternos[editar | editar la fonte]