AIAF
 | Esti artículu o seición necesita referencies qu'apaezan nuna publicación acreditada, como revistes especializaes, monografíes, prensa diaria o páxines d'Internet fiables. |
AIAF Mercáu de Renta Fixa S.A. ye un mercáu entamáu de delda (o renta fixa) nel que coticen y axústense los activos que les empreses de tipu industrial, les entidaes financieres y les Alministraciones Públiques Territoriales emiten pa captar fondos pa financiar la so actividá.
El so orixe ta nunes xuntes celebraes a instancia del Bancu d'España en 1986, nes que se creó l'Asociación d'Intermediarios d'Activos Financieros. El mercáu de pagarés d'empresa taba teniendo una crecedera desordenada, y la solvencia de delles emisiones yera dudosa. Por aciu esta Asociación, el Bancu d'España escorría que se autorregulase el mercáu al traviés de los sos principales participantes. Ameyoró l'espardimientu d'información y la tresparencia, creóse una sociedá de compensación y lliquidación (Espaclear) y pocu dempués constituyóse AIAF como mercáu entamáu non oficial. Al tener comisiones más baxes que la Bolsa, llueu creció la so popularidá ente les principales entidaes financieres y aumentó el so volume de contratación.
En 2001, integróse xunto a MEFF y SENAF en MEFF AIAF SENAF Holding de Mercaos Financieros, S.A. pa beneficiase de sinergias ente los distintos mercaos y optimizar medios. Dichu grupu ta de la mesma integráu en Bolses y Mercaos Españoles.
Enllaces esternos[editar | editar la fonte]
