AD La Curtidora

AD La Curtidora
Situación
País	España
Autonomía	Principáu d'Asturies
Provincia	Provincia d'Asturies
Conceyu	Avilés
Estáu	España
Datos
Tipu	equipu de voleibol
Fundáu en	1991
Uniforme
	;

El Club AD La Curtidora ye un equipu de voleibol de la llocalidá d'Avilés (Asturies) España. Compite en categoría nacional dende l'añu 2002.

Nacíu en 1991 cuando les Asociaciones de Padres de los colexos públicos Versalles y Marcos del Torniello, xunto cola Asociación de Vecino Versalles-La Texeraen deciden crear un club deportivu.

El Club AD La Curtidora consiguió l'ascensu a 1ᵉʳ División Nacional na temporada 1998/99, permaneciendo nesta categoría (3ª categoría nacional) mientres tres temporaes, llogrando l'ascensu a la segunda máxima categoría nacional (Lliga FEV) na temporada 2000/01, permaneciendo nesta categoría mientres seis años.

Na temporada 2007/08 reestructúrase'l Voleibol Nacional, creándose la Superliga-2 Femenina y la AD La Curtidora pasa a competir na tercer categoría nacional.

Al rematar la temporada 2008/09 tres un brillante 6ᵘ puestu na Lliga FEV, el club arrenuncia a participar en Lliga FEV debíu al cambéu de formatu de la competición (indecisión hasta última hora d'unu o dos grupos en Lliga FEV) y compite mientres trés años en Primer División Nacional, llogrando tolos años una plaza d'ascensu a Lliga FEV, a la cual arrenuncia un añu tres otru por cuenta de los elevaos costos de dicha competición.

La RFEVB na temporada 2012/13 suprime la Lliga FEV y la AD La Curtidora decide dar el saltu a la segunda máxima categoría nacional, la Superliga-2 Femenina, llogrando na so primer participación la permanencia a falta de cuatro xornaes.

Na temporada 2014/15 la AD La Curtidora caltuvo en competición a seis equipos:

AD La Curtidora en Superliga-2 Femenina
Atelier-La Curtidora en 2ª División Nacional
AD La Curtidora-Rias Baixas en Xuvenil Femenín
AD La Curtidora en Cadete Femenín A-2
AD La Curtidora Veterinaria Versalles n'Infantil Femenín A-2
AD La Curtidora-La Tienda de Oli n'Infantil Femenín A-1

Llogrando les siguientes resultaos deportives:

2ᵘ puestu en Campeonatu d'Asturies Xuvenil
Campeonatu d'Asturies Cadete A-2
Campeonatu de la Copa d'Asturies Senior
Campeonatu de la Copa d'Asturies Infantil
9ᵘ puestu en Superliga Femenina 2 -
2ᵘ puestu en Tornéu internacional AMB Volleyball Cup Espinho 2015 en categoría Mini-Infantil
2ᵘ puestu en Tornéu internacional AMB Volleyball Cup Espinho 2015 en categoría Xuvenil

A lo llargo de los 24 años de funcionamientu de la AD La Curtidora, pasaron ensame de xugadores polos distintos equipos del Club, destacando ente otres por llegar a xugar na Superliga Femenina o por representar a España en competiciones internacionales, les siguientes:

- [Míriam Volkweis] Superliga 2003:2004: Acesol Voley La Calzada y Superliga 2007-2008: Bargues Atalia Sarrión PSG.

- [Elvia García] Superliga 2009-2010 y 2010/2011: Xacobeo 2010 Ribeira Sacra.

- [Bárbaro Rodríguez] Superliga 2003:2004: A Pinguela y Superliga 2004:2005: Acesol Voley La Calzada.

- [Abeyera Vieites] Superliga 2005-2006: Ávila Vóley.

- [Cristina Lloréns] Campeona del Mundu Escolar cola Seleición Xuvenil Española.

Pabellón[editar | editar la fonte]

L'Agrupación Deportiva La Curtidora xuega los sos partíos nel polideportivu municipal de Los Canapés, asitiáu na cai Concordia d'Avilés.

Puede allugar 540 espectadores y el so suelu ye sintéticu.

Forma parte del Centru Deportivu Los Canapés que consta de:

Pabellón central

Cancha Cubierta 45'00 x 27'00

Sala de Calentamientu 7'00 x 9'50

Sala d'Usos Múltiples 12'80 x 19'20

Rocódromo d'Iviernu 28'75 x 7'20

Vestuario Capacidad 120 Persones

Pistes Esteriores

Pista Polideportiva 46'00 x 26'00

Pista de Frontón 36'80 x 14'50

Cuatro Pistes de Padel Tenis 20'90 x 10'00

Dos Pistes de Tenis 17'50 x 35'00

Una Bolera Cubierta :Tres

Pistes de Petanca

Provisionalmente y mientres duren les obres d'acondicionamientu del Polideportivu de Los Canapés, l'equipu de Superliga Femenina 2 va apostar los partíos nel Polideportivu de La Madalena que s'atopa allugáu na Cai Sabino Álvarez Gendín, 14, d'Avilés

Trayeutoria del primer equipu femenín[editar | editar la fonte]

Competición	Temporada	Puestu final
Superliga 2	2014/2015	9ᵘ
Superliga 2	2013/2014	6ᵘ
Superliga 2	2012/2013	13ᵘ
1ᵉʳ División Nacional	2011/2012	2ᵘ
1ᵉʳ División Nacional	2010/2011	5ᵘ
1ᵉʳ División Nacional	2009/2010	5ᵘ
Lliga FEV-A	2008/2009	6ᵘ
Lliga FEV-A	2007/2008	6ᵘ
Lliga FEV-A	2006/2007	8ᵘ
Lliga FEV-A	2005/2006	6ᵘ
Lliga FEV-A	2004/2005	9ᵘ
Lliga FEV-A	2003/2004
Lliga FEV-A	2002/2003

Ver tamién[editar | editar la fonte]

Voleibol n'España

Referencies[editar | editar la fonte]

Enllaces esternos[editar | editar la fonte]