A. E. Stallings

De Wikipedia
Saltar a navegación Saltar a la gueta
A. E. Stallings
Vida
Nacimientu

Decatur Traducir2  de xunetu de 1968

(51 años)
Nacionalidá Bandera de Estaos Xuníos d'América Estaos Xuníos
Estudios
Estudios Universidad de Georgia Traducir
Llingües inglés
Oficiu
Oficiu poeta, traductora y escritora
Premios
Miembru de Academia Estauxunidense de les Artes y les Ciencies
Cambiar los datos en Wikidata
Artículu revisáu

Alicia Elsbeth Stallings (2  de xunetu de 1968Decatur Traducir) ye una poeta y traductora estauxunidense. Llogró la beca MacArthur en 2011.[1]

Antecedentes[editar | editar la fonte]

Stallings nació y creció en Decatur (Xeorxa)[2] y cursó estudios clásicos na Universidá de Xeorxa onde llogró'l so grau de Bachelor of Arts en 1990, y na Universidá d'Oxford onde llogró un Master en lliteratura llatina en 1991 nel Lady Margaret Hall. En 1999 Satllings treslladóse a Atenes. Grecia y vive ellí dende entós.[2] Ye la Direutora del Programa de Poesía del Centru Ateniense.[3] Ta casada con John Psaropoulos, editor del Athens News

Stallings utiliza formes tradicionales pa les sos poesíes, y foi acomuñada al nuevu formalismu.[4]

Contribúi davezu con poemes y ensayos a la revista Poetry.[5] Espublizó trés llibros de poesíes orixinales: Archaic Smile (1999), Hapax (2006), y Olives (2012). En 2007 espublizó una traducción en versu de La naturaleza de les coses, de Lucrecio.

Respuesta de la crítica[editar | editar la fonte]

Nuna revisión crítica del so llibru Archaic Smile, Able Muse, una revista online de poesía formalista señaló que «[teniendo en cuenta] el virtuosismu formal de Stallings, namái dalgunos de los sos poemes son métricamente regulares en términos estrictos. Ello ye que una de les sorpreses prestoses d'Archaic Smile ye'l númberu de poemes maravillos que s'atopen na zona gris ente'l versu blancu y el versu llibre.[6]» El so trabayu foi comparáu cola obra de Richard Wilbur y Edna St. Vincent Millay.[7] Nuna crítica del so segundu llibre, Hapax, Peter Campion escribió que "la métrica y el ritmu espliéguense con elegancia, pero a costa del idioma", una crítica que ye común tratándose de poetes formalistes. Nuna nota más positiva, Campion tamién señala que «los sos meyores poemes na coleición combinen el talentu prosódicu con sentimientos intensamente interpretaos.» [7] Nuna revisión de la so colección Olives, Publishers Weekly señaló que taben más impresionaos con aquellos poemes que nun yeren una respuesta a mitos de l'antigüedá, señalando que «cuando espliega'l so talentu téunicu en poemes onde desenvuelve una nueva narrativa en llugar de construyir sobre una antigua, Stallings llogra un equilibriu ríxidu y conteníu entá pa los standards del Nuevu Formalismu.» [8]

Premios[editar | editar la fonte]

La so primer coleición de poesíes, Archaic Smile, recibió'l premiu Richard Wilbur en 1999 y foi finalista tantu pal premiu Yale Series of Younger Poets Competition como pal premiu Walt Whitman. La so segunda colección, Hapax (2006), foi premiada col Poets' Prize. Les sos poesíes foron espublizaes nes antoloxíes Best American series de 1994 y 2000. Foi galardonada col premiu Pushcart Prize, el premiu Eunice Tietjens, el Howard Nemerov Sonnet Award en 2004 y el premiu James Dickey.

En 2010 llogró'l premiu Willis Barnstone Translation Prize poles sos traducciones.

En 2011 llogró una beca Guggenheim,[9] una Beca MacArthur[10] y foi nomada miembru de la United States Artists.[11] En 2012, el llibru Olives foi finalista del Premiu del Círculu de Críticos Nacional del Llibru.[12]

Obra[editar | editar la fonte]

Llibros[editar | editar la fonte]

Referencies[editar | editar la fonte]

  1. John D. and Catherine T. MacArthur Foundation (ed.): «MacArthur Fellows Program: Meet the 2011 Fellows». September 20, 2011. Consultáu'l 20 de setiembre de 2011.
  2. 2,0 2,1 «Hapax». google.co.uk. Consultáu'l 26 d'agostu de 2015.
  3. Athens Centre (ed.): «Alicia Y. Stallings, Direutor of the Athens Centre poetry program, wins the "genius grant"!». Consultáu'l 6 d'abril de 2015.
  4. «"Interview with A. E. Stallings" by Ginger Murchison». Cortland Review (febreru de 2002). Archiváu dende l'orixinal, el 17 de mayu de 2007. Consultáu'l 3 d'abril de 2007.
  5. «A. E. Stallings». poetryfoundation.org. Consultáu'l 26 d'agostu de 2015.
  6. «Archaic Smile by A. E. Stallings - reviewed by A. M. Juster - Poetry at Able Muse - Symposium Issue». ablemuse.com. Consultáu'l 26 d'agostu de 2015.
  7. 7,0 7,1 «Eight Takes: Fenton, Strand, Hopler, Zukofsky, Stallings, Voigt, Kinnell, Wojahn». poetryfoundation.org. Consultáu'l 26 d'agostu de 2015.
  8. «Fiction Book Review: Olives by A.E. Stallings». PublishersWeekly.com. Consultáu'l 26 d'agostu de 2015.
  9. www.gf.org (ed.): «A. E. Stallings». Consultáu'l 4 d'ochobre de 2015.
  10. Lee, Felicia R. (20 de setiembre de 2011). «MacArthur Foundation Announces Winners of ‘Genius' Awards». The New York Times. http://www.nytimes.com/2011/09/20/arts/macarthur-foundation-announces-winners-of-genius-awards.html?_r=1&hp. 
  11. «United States Artists». United States Artists. Consultáu'l 26 d'agostu de 2015.
  12. John Williams (14 de xineru de 2012). «National Book Critics Circle Names 2012 Award Finalists». New York Times. Consultáu'l 15 de xineru de 2013.

Enllaces esternos[editar | editar la fonte]