Añada pa un güeyu muertu

De Wikipedia
Saltar a navegación Saltar a la gueta
Añada pa un güeyu muertu
Datos
Autor Adolfo Camilo Díaz
Fecha 1985
Xéneru Ciencia ficción
País orixinal Bandera d'España España
Cambiar los datos en Wikidata

Añada pa un güeyu muertu ye una novela n'asturianu cola que ganó en 1985 Adolfo Camilo Díaz el Premiu Xosefa Xovellanos. Trátase d'un thriller crepuscular que diba marcar a toa una xeneración de narradores asturianos.[ensin referencies] La novela, editada daquella pol Gobiernu asturianu, tuvo un interesante percorríu de crítica y públicu, y convirtió al so autor (que volvería ganar el mesmu premiu n'otres tres ocasiones) nún referente ineludible de la lliteratura asturiana contemporania. Trátase d'una novela inaugurar pa la lliteratura n'asturianu: ye la primer novela de Ciencia ficción y la primera -y tovía güei una de les poques- con una lesbiana como protagonista. La llingua asturiana certificaba, asina, que yera apta pa representar cualaquier trama o sentimientu. La influyencia d'Añada pa un güeyu muertu, una novela que fixo que la lliteratura n'asturianu entrara na Segunda Xeneración del Surdimientu, foi reconocida col pasu de los años como una novela de cultu de les lletres asturianes.

Argumentu[editar | editar la fonte]

La familia del inxenieru xefe d'una central nuclear entretien los ocios nocherniegos viendo la televisión cuando un escape na central nuclear -opción posible que nun se confirma na novela- «solidifica» los personaxes catódicos, que s'escapen de les 625 llinies y empiecen a matar.

Segunda edición[editar | editar la fonte]

Suburbia Ediciones rellanza esta novela inaugural nel 2011 con una edición onde'l propiu autor revisó'l testu pa espurgalu d'hiperasturianismos y espresiones usaes na llingua lliteraria d'aquel periodu pero estrañes pal llector actual. La edición complétase con un epílogu desplicativu del autor y una antoxana de Xandru Fernández.