Día d'Europa

El Día d'Europa ye una celebración que tien llugar cada 9 de mayu na Xunión Europea, n'alcordanza de la denominada Declaración Schuman, na que'l ministru francés d'esteriores, Robert Schuman, dio'l primer pasu pa la integración de los estaos europeos al proponer que'l carbón y l'aceru d'Alemaña (entós República Federal Alemana) y Francia (y los demás países que se xuntaren) sometiéranse a una alministración conxunta, impulsando la creación de la primer Comunidá Europea: la del Carbón y l'Aceru, siendo por tanto'l orix de l'actual Xunión Europea. La importancia d'esta propuesta realizada en 1950, cinco años dempués de la rindición del réxime nazi y ante una Europa afarada pola II Guerra Mundial, anicia amás en que al someter los dos producciones indispensables de la industria armamentística a una única autoridá, los países que participaren nesta organización, atoparíen una gran dificultá nel casu de querer empecipiar una guerra ente ellos.

La conmemoración d'esta fecha tien llugar dende 1985, tres la so aprobación polos Xefes d'Estáu y de gobiernu aconceyaos nel Conseyu Européu. A pesar de ser l'únicu día de celebración oficial na Xunión Europea, considérase un día llaborable y les celebraciones entamaes polos estaos miembros nun suelen oldease a les que se realicen por cuenta de les fiestes nacionales de cada estáu.

Referencies

Enllaces esternos

Wikimedia Commons tien conteníu multimedia tocante a Día d'Europa.