Nulidá
La nulidá d'un tratáu, al aviesu qu'asocede cola terminación y cola suspensión nun tien un res que ver cola voluntá de les partes, y tien consecuencies muncho más severes pa los estaos que la provocaren. La nulidá nunca nun pue ser declarada de xeitu unillateral por un estáu o estaos, y l'estáu qu'allegare la nulidá, ha notificala al restu partes, de tala forma qu'en casu d'oxeción, cabría la posiblidá de resolver les controversies pela vía de la solución pacífica abriendo un procedimientu afayadizu.
La Convención de Viena establez ocho causes de nulidá:
1- Violación de les disposiciones de Drechu Internu no que cinquen a la competencia pa celebrar trataos
2- Nun observancia d'una restricción específica de los poderes pa dar el consentimientu l'estáu.
3- Error de fechu.
4- Dolo, conducta fraudulenta. COnsidérase a toles declaraciones falses o fraudulentes, presentación non esauta de los fechos col envís d'algamar el consentimientu d'un estáu que, nel casu de nun se cometer dolo, nun tendría dao'l so consentimientu al tratáu.
5- Corrupción d'un representante d'estáu.
6- Coacción sobro un representante d'estáu.
7- Coacción sobro un estáu.
8- Incompatibilidá con una norma imperativa de ius cogens