49 Librae

De Wikipedia
49 Librae
Datos d'observación
(Dómina J2000.0)
Constelación Llibra
Ascensión reuta (α) 16h 00m 19,59s
Declinación (δ) -16º 32’ 00,2’’
Mag. aparente (V) +5,47
Carauterístiques físiques
Clasificación estelar F8V
Masa solar 1,35 - 1,41 M
Radiu (1,3 R)
Magnitú absoluta 2,73
Gravedá superficial 3,99 (log g)
Lluminosidá 6,3 L
Temperatura superficial 6237 K
Metalicidá [Fe/H] = -0,02
Astrometría
Velocidá radial -25 km/s
Distancia 115 ± 5 años lluz (35 pc)
Paralax 28,40 ± 1,23 mas
Sistema
Nᵁ de componentes 2?
Referencies
SIMBAD enllaz
NStED enllaz
Otres designaciones
HD 143333 / HR 5954 / HIP 78400 / SAO 159625
[editar datos en Wikidata]

49 Librae (49 Lib)[1] ye una estrella asitiada na constelación de Llibra. La so magnitú aparente ye +5,47 y alcuéntrase a 115 años lluz del Sistema Solar.

49 Librae ye una nana mariella de tipu espectral F8V. Más caliente y lluminosa que'l Sol, les sos carauterístiques físiques son bien paecíes a les de 61 Piscium, Asellus Primus (θ Bootis) o ι Piscium. Tien una temperatura superficial de 6273 K, siendo la so lluminosidá 6 vegaes superior a la lluminosidá solar. El so diámetru ye un 30% más grande que'l diámetru solar[2] y xira sobre sigo mesma con una velocidá de rotación de siquier 8,2 km/s.[3] Les estrelles de la secuencia principal de menor masa y temperatura xiren sobre sigo mesmes amodo —la velocidá de rotación del Sol ye d'aproximao 2 km/s—, ente que dicha velocidá aumenta cola masa. La división ente dambos tipos de rotores ye relativamente sópita, tando dichu puntu d'inflexón asitiáu na metá de la clase F.[4] 49 Librae, de tipu F8V, ye inda una estrella de lenta rotación, lloñe d'otres estrelles más calientes que roten a velocidaes enforma mayores —vease por casu 16 Librae, nesta mesma constelación—.

49 Librae evidencia una metalicidá —bayura relativa d'elementos más pesaos que l'heliu— bien paecida a la solar ([Fe/H] = -0,02).[5] Coles mesmes, amuesa una bayura de litiu similar a la del Sol.[6] Tien una masa ente 1,35 y 1,41 mases solares y una edá averada de 2300 millones d'años.[5][6] Piénsase que 49 Librae puede ser una estrella binaria, anque nada se sabe del so posible acompañante.[7]

Referencies[editar | editar la fonte]

Coordenaes: Sky map 16h 0m 19.636s, -16° 32 0.283