39 Leonis

De Wikipedia
Saltar a navegación Saltar a la gueta
39 Leonis
39 Leonis A/B
Constelación Lleo
Ascensión reuta α 10h 17min 14,5/14,1s
Declinación δ +23º 06’ 22/26’’
Distancia 76 años lluz
Magnitú visual +5,80 / +11,4
Magnitú absoluta +4,03 / +9,62
Lluminosidá 2,16 / 0,12 soles
Temperatura 6085 / 3740 K
Masa 0,98 / 0,24 soles
Radiu 0,99 / 0,48 soles
Tipu espectral F8Vbw / M1V
Velocidá radial +38,2 km/s

39 Leonis (39 Lleo / HD 89125 / HR 4039) ye una estrella binaria na constelación de Lleo, visualmente asitiada a 20 minutos d'arcu de la brillosa Aldhafera (ζ Leonis). Alcuéntrase a 74 años lluz de distancia del Sistema Solar.

39 Leonis A (GJ 387 A), la estrella principal, ye una nana mariella de tipu espectral F8Vbw y magnitú aparente +5,80.[1] Los sos parámetros de masa y tamañu son práuticamente iguales a los del Sol,[2] anque la so temperatura, 6085 K,[3] ye significativamente más elevada. Relluma con una lluminosidá 2,16 vegaes mayor que la lluminosidá solar.[3] Xira sobre sigo mesma con una velocidá de rotación de 5,8 km/s. Nun esiste consensu en cuantes la so edá; diversos autores asitien esta cifra ente 5500[4] y 7970 millones d'años.[5] Presenta una baxa metalicidá, siendo la so bayura relativa de fierro un 36% de la esistente nel Sol.[4] Otros elementos como magnesiu, siliciu y azufre amuesen el mesmu enclín.[3]

La estrella acompañante, 39 Leonis B (GJ 387 B), ye una nana colorada de tipu M1V y magnitú +11,4.[6] La so temperatura superficial ye de 3740 K y el so diámetru ye aproximao la metá del diámetru solar.[7] Dambes estrelles tán visualmente separaes 7,2 segundos d'arcu, lo que correspuende a una separación real superior a 163 UA.

Referencies[editar | editar la fonte]