33 Piscium

De Wikipedia
Saltar a navegación Saltar a la gueta
33 Piscium
33 Piscium
Constelación Piscis
Ascensión reuta α 00h 05min 20,14s
Declinación δ -05º 42’ 27,4’’
Distancia 128 años lluz
Magnitú visual +4,62
Magnitú absoluta +1,63
Lluminosidá 24 soles
Temperatura 4750 K
Masa 1,7 soles
Radiu 7 soles
Tipu espectral K0IIIb
Velocidá radial -6,1 km/s
Otros nomes HD 28 / HR 3
HIP 443 / SAO 128572

33 Piscium (33 Psc)[1] ye una estrella binaria na constelación de Piscis de magnitú aparente +4,61 que s'atopa a 128 años lluz del Sistema Solar.

Carauterístiques del sistema[editar | editar la fonte]

La componente principal de 33 Piscium ye una xigante naranxa de tipu espectral K0IIIb.[1] Tien una temperatura efectivo de 4750 K[2]y ye 24 vegaes más lluminosa que'l Sol.[3] El so diámetru angular, una vegada consideráu'l escurecimientu de llimbu, ye de 1,73 ± 0,02 milisegundos d'arcu,[4] lo que dexa evaluar el so diámetru real; ésti, magar ser 7 vegaes más grande que'l del Sol, nun ye grande pa una xigante de les sos carauterístiques. Xira sobre sigo mesma con una velocidá de rotación proyeutada de 1,9 km/s[5] y tien una masa de 1,7 ± 0,4 mases solares.[2] Presenta una metalicidá —bayura relativa d'elementos más pesaos que'l heliu— daqué menor que la solar ([Fe/H] = -0,09). Otros elementos como sodiu, siliciu, calciu y cromu presenten unos niveles asemeyaos a les solares, ente que'l vanadiu ye daqué más abondosu que na nuesa estrella. De la estrella secundaria namái se conoz la so masa, igual a 0,76 ± 0,11 mases solares.[2]

El periodu orbital del sistema ye de 72,93 díes y la escentricidá de la órbita ye ε = 0,27.[6] Esta binaria nun pudo ser resuelta per aciu interferometría de moteáu.[2]

Variabilidá[editar | editar la fonte]

33 Piscium ye una variable RS Canum Venaticorum que'l so rellumu varia 0,08 magnitúes, recibiendo la denominación, tocantes a variable, de BC Piscium.[7] Tien l'actividá magnética conocida más baxa ente esta clase de variables; el Observatoriu Einstein de rayos X estudió'l so fluxu superficial (< 5×10³ ergcm−2s−1), siendo ésti inferior en dos órdenes de magnitud a los fluxos superficiales reparaos nos sistemes RS Canum Venaticorum de llargu periodu con menor actividá.[2]

Referencies[editar | editar la fonte]

  1. 1,0 1,1 V* BC Psc -- Variable of RS CVn type (SIMBAD)
  2. 2,0 2,1 2,2 2,3 2,4 Barisevičius, G.; Tautvaišienė, G.; Berdyugina, S.; Chorniy, Y.; Ilyin, I.. «Chemical Composition of the RS CVn-type Star 33 Piscium». Baltic Astronomy 20. pp. 53-63. http://cdsads.u-strasbg.fr/cgi-bin/nph-bib_query?2011BaltA..20...53B&db_key=AST&nosetcookie=1. 
  3. Massarotti, Alessandro; Latham, David W.; Stefanik, Robert P.; Fogel, Jeffrey. «Rotational and Radial Velocities for a Sample of 761 HIPPARCOS Giants and the Role of Binarity». The Astronomical Journal 135 (1). pp. 209-231. http://cdsads.u-strasbg.fr/cgi-bin/nph-bib_query?2008AJ....135..209M&db_key=AST&nosetcookie=1. 
  4. Richichi, A.; Percheron, I.; Khristoforova, M.. «CHARM2: An updated Catalog of High Angular Resolution Measurements». Astronomy and Astrophysics 431 (4). pp. 773-777 (Tabla consultada en CDS). http://vizier.u-strasbg.fr/viz-bin/VizieR-5?-ref=VIZ4y5a6cda3809&-out.add=.&-source=J/A%2bA/431/773/charm2&recno=1511. 
  5. De Medeiros, J. R.; Da Silva, J. R. P.; Maia, M. R. G.. «The Rotation of Binary Systems with Evolved Components». The Astrophysical Journal 578 (2). pp. 943-950. http://cdsads.u-strasbg.fr/cgi-bin/nph-bib_query?2002ApJ...578..943D&db_key=AST&nosetcookie=1. 
  6. Pourbaix, D.; Tokovinin, A. A.; Batten, A. H.; Fekel, F. C.; Hartkopf, W. I.; Levato, H.; Morrell, N. I.; Torres, G.; Udry, S.. «SB⁹: The ninth catalogue of spectroscopic binary orbits». Astronomy and Astrophysics 424. pp. 727-732 (Tabla consultada en CDS). http://cdsads.u-strasbg.fr/cgi-bin/nph-bib_query?2004A%26A...424..727P&db_key=AST&nosetcookie=1. 
  7. BC Piscium (General Catalogue of Variable Stars)