24 Sextantis

De Wikipedia
Saltar a navegación Saltar a la gueta
24 Sextantis
24 Sextantis
Constelación Sextans
Ascensión reuta α 10h 23m 28,37s
Declinación δ -00º 54’ 08,1’’
Distancia 244 ± 16 años lluz
Magnitú visual +6,44
Magnitú absoluta +2,08
Lluminosidá 14,6 soles
Temperatura 5098 ± 44 K
Masa 1,54 soles
Radiu 4,9 soles
Tipu espectral K1IV
Velocidá radial 0 km/s

24 Sextantis (24 Sex / HD 90043 / HIP 50887)[1] ye una estrella asitiada na constelación de Sextans. La so magnitú aparente ye +6,44 y alcuéntrase a 244 años lluz del Sistema Solar. En 2010 anuncióse'l descubrimientu de dos planetes estrasolares orbitando alredor d'esta estrella.[2]

24 Sextantis ye una subxigante de tipu espectral K1[3] que la so temperatura superficial ye de 5098 ± 44 K. Con una masa un 54% mayor que la masa solar, ye una estrella más evolucionada que'l Sol qu'empezó a espandise y a esfrecese, siendo'l so radiu 4,9 vegaes más grande que'l radiu solar. Xira sobre sigo mesma con una velocidá de rotación proyeutada de 2,77 km/s. Ye 14,6 vegaes más lluminosa que'l Sol y tien una metalicidá, datu estrechamente rellacionáu cola presencia de sistemes planetarios, comparable a la solar ([Fe/H] = -0,03). La so edá envalórase en 2700 ± 400 millones d'años.[2]

Sistema planetariu[editar | editar la fonte]

En 2010 afayáronse dos planetes estrasolares, llamaos 24 Sextantis b y 24 Sextantis c, orbitando en redol a 24 Sxetantis. El primeru d'ellos, con una masa mínimo 1,99 vegaes mayor que la masa de Xúpiter, orbita a una distancia media de 1,33 UA al respective de la estrella. El segundu planeta ye menos masivu —con una masa mínimo equivalente al 86% de la de Xúpiter— y muévese nuna órbita a 2,08 UA de la estrella.[4]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
24 Sextantis b 1,99 ± 0,38 452,8 ± 4,5 1,333 ± 0,009 0,09 ± 0,14
24 Sextantis c 0,86 ± 0,35 883 ± 32 2,08 ± 0,05 0,29 ± 0,16

Ver tamién[editar | editar la fonte]

Referencies[editar | editar la fonte]

  1. 24 Sextantis (SIMBAD)
  2. 2,0 2,1 Johnson, John Asher; Payne, Matthew; Howard, Andrew W.; Clubb, Kelsey I.; Ford, Eric B.; Bowler, Brendan P.; Henry, Gregory W.; Fischer, Debra A.; Marcy, Geoffrey W.; Brewer, John M.; Schwab, Christian; Reffert, Sabine; Lowe, Thomas B.. «Retired a Stars and Their Companions. VI. A Pair of Interacting Exoplanet Pairs Around the Subgiants 24 Sextanis and HD 200964». The Astronomical Journal 141 (1). 16. http://cdsads.u-strasbg.fr/cgi-bin/nph-bib_query?2011AJ....141...16J&db_key=AST&nosetcookie=1. 
  3. 24 Sextantis (Stars, Jim Kaler)
  4. 24 Sextantis (The Estrasolar Planets Encyclopaedia)