23 H. Camelopardalis
 23 H. Camelopardalis | ||
|---|---|---|
| Datos d'observación (Dómina J2000.0) | ||
| Constelación | Camelopardalis | |
| Ascensión reuta (α) | 06h 46m 14,15s | |
| Declinación (δ) | +79º 33’ 53,3’’ | |
| Mag. aparente (V) | +5,10 | |
| Carauterístiques físiques | ||
| Clasificación estelar | F7V | |
| Masa solar | 1,08 M☉ | |
| Radiu | (1,20 R☉) | |
| Magnitú absoluta | +4,17 | |
| Gravedá superficial | 4,23 (log g) | |
| Lluminosidá | 1,80 L☉ | |
| Temperatura superficial | 6165 ± 80 K | |
| Metalicidá | [Fe/H] = -0,25 | |
| Astrometría | ||
| Velocidá radial | 12,5 km/s | |
| Distancia | 58,3 ± 0,3 años lluz (17,9 pc) | |
| Paralax | 55,95 ± 0,27 mas | |
| Sistema | ||
| Nᵁ de componentes | 2? | |
| Referencies | ||
| SIMBAD | enllaz | |
| Otres designaciones | ||
| HD 46588 / HR 2401 / HIP 32439 / GJ 9215 / SAO 5496 / BD+79 212 / FK 248 / PPM 1530 | ||
| [editar datos en Wikidata] | ||
23 H. Camelopardalis (HD 46588 / HR 2401) ye una estrella de magnitú aparente +5,45[1] na constelación de Camelopardalis, la xirafa.
Carauterístiques físiques[editar | editar la fonte]
23 H. Camelopardalis ye una nana mariella de tipu espectral F7V. Tien una temperatura superficial de 6165 K y ye llixeramente más masiva que'l Sol, con una masa de 1,08 mases solares.[2] El so tamañu ye más grande que'l del Sol —el so diámetru ye un 20% mayor—[2] y xira sobre sigo mesma con una velocidá de rotación proyeutada de 6,6 km/s.[3] Nun amuesa actividá cromosférica y la so edá, envalorada según esti criteriu, podría superar a los 7000 millones d'años. Sicasí, teniendo en cuenta la so actividá na rexón de rayos X, la so edá más probable ye d'unos 4400 millones d'años,[4] cifra que tamién correspuende a la edá envalorada per aciu d'isocrones.[5]
Composición química[editar | editar la fonte]
23 H. Camelopardalis presenta una menor bayura relativa de metales que'l Sol, tando entendíu'l so índiz de metalicidá [Fe/H] ente -0,11 y -0,25.[6][5] El conteníu de tolos elementos evaluaos ye inferior a la solar, siendo'l emprobecimientu más acusáu nel casu del cobre y samariu; la bayura relativa d'esti últimu metal ye una cuarta parte de la solar. Hai de solliñar tamién el so baxu conteníu d'oxíxenu, unu de los menores ente un grupu de 216 estrelles d'asemeyaes carauterístiques. Otra manera, el so conteníu de litiu (logє[Li] = 2,61) ye notablemente más eleváu que'l del Sol.[6]
Posible sistema binariu[editar | editar la fonte]
23 H. Camelopardalis pue ser una binaria espectroscópica con un periodu orbital de 60 díes, magar que la so duplicidá nun ta confirmada. La naturaleza de la compañera estelar nun ye conocida, pero especulóse que quiciabes seya una nana con una temperatura de 4100 K y una masa de 0,6 mases solares. La diferencia de rellumu ente les dos estrelles pue ser d'unes 4,3 magnitúes.[2]
HD 33564 alcuéntrase a 58,3 años lluz del Sistema Solar. HD 62613, distante 4,1 años lluz, ye la estrella conocida más cercana a ella.[7]
Referencies[editar | editar la fonte]
- ↑ NAME 23 H. Cam -- Star (SIMBAD)
- ↑ 2,0 2,1 2,2 Fuhrmann, Klaus (2008). «Nearby stars of the Galactic disc and halo - IV». Monthly Notices of the Royal Astronomical Society 384 (1). páxs. 173-224. http://cdsads.u-strasbg.fr/cgi-bin/nph-bib_query?2008MNRAS.384..173F&db_key=AST&nosetcookie=1.
- ↑ Martínez-Arnáiz, R.; Maldonado, J.; Montes, D.; Eiroa, C.; Montesinos, B. (2010). «Chromospheric activity and rotation of FGK stars in the solar vicinity. An estimation of the radial velocity jitter». Astronomy and Astrophysics 520. A79. http://cdsads.u-strasbg.fr/cgi-bin/nph-bib_query?2010A%26A...520A..79M&db_key=AST&nosetcookie=1.
- ↑ Maldonado, J.; Martínez-Arnáiz, R. M.; Eiroa, C.; Montes, D.; Montesinos, B. (2007). «A spectroscopy study of nearby late-type stars, possible members of stellar kinematic groups». Astronomy and Astrophysics 521. pp. A12. http://adsabs.harvard.edu/cgi-bin/nph-bib_query?2010A%26A...521A..12M&db_key=AST.
- ↑ 5,0 5,1 Holmberg, J.; Nordström, B.; Andersen, J. (2009). «The Geneva-Copenhagen survey of the solar neighbourhood. III. Improved distances, ages, and kinematics». Astronomy and Astrophysics 501 (3). páxs. 941-947. http://cdsads.u-strasbg.fr/cgi-bin/nph-bib_query?2009A%26A...501..941H&db_key=AST&nosetcookie=1.
- ↑ 6,0 6,1 Luck, R. Earle; Heiter, Ulrike (2006). «Dwarfs in the Local Region». The Astronomical Journal 131 (6). páxs. 3069-3092. http://cdsads.u-strasbg.fr/cgi-bin/nph-bib_query?2006AJ....131.3069L&db_key=AST&nosetcookie=1.
- ↑ Stars within 15 light-years of Bonner Durchmusterung +79°212 (The Internet Stellar Database)
Coordenaes: 
6h 46m 14.15s, 79° 33′ 53.319″
Datos: Q8178820