19 Draconis

De Wikipedia
Saltar a navegación Saltar a la gueta
19 Draconis
19 Draconis
Constelación Draco
Ascensión reuta α 16h 56min 01,69s
Declinación δ +65º 08’ 05,3’’
Distancia 49 años lluz
Magnitú visual +4,89
Magnitú absoluta +3,99
Lluminosidá 2,19 soles
Temperatura 6.300 K
Masa 1,18 soles
Radiu 1,1 soles
Tipu espectral F6V
Velocidá radial –22,6 km/s

19 Draconis (19 Dra / HD 153597 / HR 6315)[1] ye una estrella na constelación del Dragón de magnitú aparente +4,88. Alcuéntrase a 49 años lluz de distancia del Sistema Solar.

19 Draconis ye una estrella mariella de la secuencia principal de tipu espectral F6V.[1] Al igual que'l Sol, la so enerxía provién de la fusión de hidróxenu en heliu, pero ye más caliente y lluminosa qu'ésti. Con una temperatura efectivo d'aproximao 6300 K,[2][3] la so lluminosidá ye más del doble de la lluminosidá solar.[2] Tien una metalicidá —bayura relativa d'elementos más pesaos que'l heliu— inferior a la del Sol; diversos estudios señalen una metalicidá ente'l 60% y el 83% de la que tien el Sol.[4][2] Esti empobrecimientu ye más acusáu n'elementos como magnesiu y cobre.[2] El radiu de 19 Draconis ye un 10% más grande que'l de la nuesa estrella[5]y la so masa ye un 20% mayor que la masa solar. Ye una estrella más nueva que'l Sol. Magar nun hai consensu sobre la so edá, ésta cífrase ente 1380[2] y 3700 millones d'años.[4]

19 Draconis ye una binaria espectroscópica —que nun pudo ser resuelta por interferometría de moteáu— con un periodu orbital de 52,11 díes.[6] Amás, ye posible que seya una variable del tipu Delta Scuti, magar esti aspeutu nun foi confirmáu.

Referencies[editar | editar la fonte]