18 Delphini

De Wikipedia
Saltar a navegación Saltar a la gueta
18 Delphini
18 Delphini
Constelación Delphinus
Ascensión reuta α 20h 58m 25,93s
Declinación δ +10º 50’ 21,4’’
Distancia 238 años lluz
Magnitú visual +5,52
Magnitú absoluta +1,15
Lluminosidá 40 soles
Temperatura 4980 K
Masa 2,3 soles
Radiu 8,5 soles
Tipu espectral G6III
Velocidá radial +0 km/s

18 Delphini (18 Del / HD 199665 / HR 8030) ye una estrella de magnitú aparente +5,52[1] asitiada na constelación del Delfín. En 2008 anuncióse'l descubrimientu d'un planeta estrasolar n'órbita alredor d'esta estrella.[2]

Asitiada a unos 238 años lluz del Sistema Solar, 18 Delphini ye una xigante mariella de tipu espectral G6III con una temperatura superficial de 4980 K. Con una lluminosidá equivalente a 40 soles, ye intrínsecamente menos lluminosa qu'otres xigantes más conocíes como Vindemiatrix (ε Virginis) o Nekkar (β Bootis), siendo igualmente de menor tamañu qu'éstes, con un radiu 8,5 vegaes más grande que'l radiu solar. La so masa ye 2,3 vegaes mayor que la masa solar, con un conteníu de fierro respectu al de hidróxenu llixeramente inferior al del Sol ([Fe/H] = -0,05). La so lluminosidá en rayos X suxure una llixera actividá cromosférica.[2] La edá de 18 Delphini envalórase en daqué menos de 800 millones d'años.[3]

Sistema planetariu[editar | editar la fonte]

El planeta, denomináu 18 Delphini b, ta asitiáu a 2,6 UA de la estrella, completando una órbita cada 993,3 díes. La so masa ye de siquier 10,3 vegaes la masa de Xúpiter.[4] Afayóse por espectroscopia Doppler dende'l Observatoriu Astrofísicu d'Okayama en Xapón.[2]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
b > 10,3 993,3 ± 3,2 2,6 0,08 ± 0,01

Ver tamién[editar | editar la fonte]

Referencies[editar | editar la fonte]