18 Ceti

De Wikipedia
Saltar a navegación Saltar a la gueta
18 Ceti
18 Ceti
Constelación Cetus
Ascensión reuta α 00h 45min 28,69s
Declinación δ -12º 52’ 50,9’’
Distancia 101 años lluz
Magnitú visual +6,15
Magnitú absoluta +3,63
Lluminosidá 2,92 soles
Temperatura 5803 ± 32 K
Masa 1,10 soles
Radiu 1,68 soles
Tipu espectral G0V
Velocidá radial -12,8 km/s
Otros nomes HD 4307 / HR 203
HIP 3559 / GJ 1020

18 Ceti (18 Cet) ye una estrella na constelación de Cetus de magnitú aparente +6,15.[1] Alcuéntrase a 101 años lluz del Sistema Solar.

18 Ceti ye una nana mariella de tipu espectral G0V. Tien una temperatura efectivo de 5803 ± 32 K[2] y la so lluminosidá ye cuasi tres veces mayor que la lluminosidá solar.[3] El so radiu ye un 68% más grande que'l radiu solar[4] y xira sobre sigo mesma con una velocidá de rotación proyeutada de 2,5 km/s.[5] Nun presenta actividá cromosférica, nin tampoco escesu nel infrarroxu que suxura la presencia d'un discu de polvu.[6] La so masa averada ye un 10% mayor que la masa solar y propúnxose que, en realidá, 18 Ceti ye una subxigante con una edá de 7000 millones d'años; la so bayura relativa de litiu (logє[Li] = 2,45) ye consistente col so estatus de subxigante.[7]

18 Ceti presenta una metalicidá —bayura relativa d'elementos más pesaos que'l heliu— significativamente inferior a la que tien el Sol ([Fe/H] = -0,18 ± 0,03). Tolos elementos evaluaos, a esceición del calciu, amuesen niveles baxos; especialmente notable ye'l casu del manganesu, que la so bayura relativa ye una tercer parte de la esistente nel Sol.

Posible compañera estelar[editar | editar la fonte]

Imáxenes d'altu contraste llograes col Telescopiu Hale dexaron reparar un oxetu que visualmente alcuéntrase a 3,98 segundos d'arcu de 18 Ceti. D'alcuerdu al so magnitú absoluta y color, piénsase que probablemente ye una nana colorada que puede tar físicamente amestada a ella.[8]

Referencies[editar | editar la fonte]

  1. LTT 421 -- High proper-motion Star (SIMBAD)
  2. Wu, Yue; Singh, H. P.; Prugniel, P.; Gupta, R.; Koleva, M.. «Coudé-feed stellar spectral library - atmospheric parameters». Astronomy and Astrophysics 525. A71. http://cdsads.u-strasbg.fr/cgi-bin/nph-bib_query?2011A%26A...525A..71W&db_key=AST&nosetcookie=1. 
  3. Sousa, S. G.; Santos, N. C.; Mayor, M.; Udry, S.; Casagrande, L.; Israelian, G.; Pepe, F.; Queloz, D.; Monteiro, M. J. P. F. G.. «Spectroscopic parameters for 451 stars in the HARPS GTO planet search program. Stellar (Fe/H) and the frequency of exo-Neptunes». Astronomy and Astrophysics 487 (1). pp. 373-381. http://cdsads.u-strasbg.fr/cgi-bin/nph-bib_query?2008A%26A...487..373S&db_key=AST&nosetcookie=1. 
  4. Takeda, Genya; Ford, Eric B.; Sills, Alison; Rasio, Frederic A.; Fischer, Debra A.; Valenti, Jeff A.. «Structure and Evolution of Nearby Stars with Planets. II. Physical Properties of ~1000 Cool Stars from the SPOCS Catalog». The Astrophysical Journal Supplement Series 168 (2). pp. 297-318. http://cdsads.u-strasbg.fr/cgi-bin/nph-bib_query?2007ApJS..168..297T&db_key=AST&nosetcookie=1. 
  5. Valenti, Jeff A.; Fischer, Debra A.. «Spectroscopic Properties of Cool Stars (SPOCS). I. 1040 F, G, and K Dwarfs from Keck, Lick, and AAT Planet Search Programs». The Astrophysical Journal Supplement Series 159 (1). pp. 141-166. http://cdsads.u-strasbg.fr/cgi-bin/nph-bib_query?2005ApJS..159..141V&db_key=AST&nosetcookie=1. 
  6. Kóspál, Ágnes; Ardila, David R.; Moór, Attila; Ábrahám, Péter. «On the Relationship Between Debris Disks and Planets». The Astrophysical Journal Letters 700 (2). pp. L73-L77. http://cdsads.u-strasbg.fr/cgi-bin/nph-bib_query?2009ApJ...700L..73K&db_key=AST&nosetcookie=1. 
  7. Bubar, Eric J.; King, Jeremy R.. «Spectroscopic Abundances and Membership in the Wolf 630 Moving Group». The Astronomical Journal 140 (2). pp. 293-318. http://cdsads.u-strasbg.fr/cgi-bin/nph-bib_query?2010AJ....140..293B&db_key=AST&nosetcookie=1. 
  8. Tanner, Angelle M.; Gelino, Christopher R.; Law, Nicholas M.. «A High-Contrast Imaging Survey of SIM Lite Planet Search Targets». Publications of the Astronomical Society of the Pacific 122 (896). pp. 1195-1206. http://cdsads.u-strasbg.fr/cgi-bin/nph-bib_query?2010PASP..122.1195T&db_key=AST&nosetcookie=1.