17 Cygni

De Wikipedia
Saltar a navegación Saltar a la gueta
17 Cygni
17 Cygni
Constelación Cygnus
Ascensión reuta α 19h 46min 25,60s
Declinación δ +33º 43’ 39,3’’
Distancia 68 años lluz
Magnitú visual +4,99
Magnitú absoluta +3,40
Lluminosidá 3,6 soles
Temperatura 6379 K
Masa 1,31 soles
Radiu 1,5 soles
Tipu espectral F7V
Velocidá radial +4,7 km/s

17 Cygni (17 Cyg / HD 187013 / HR 7534) ye una estrella na constelación del Cisne de magnitú aparente +4,99.[1] Alcuéntrase a 68 años lluz de distancia del Sistema Solar.

17 Cygni ye una nana mariella de tipu espectral F7V con una temperatura superficial de 6379 K,[2] unos 600 K más alta que la del Sol. De carauterístiques asemeyaes a ι Piscium o Asellus Primus (θ Bootis), relluma con una lluminosidá 3,6 vegaes mayor que la lluminosidá solar. La so masa envalorada ye un 31% mayor que la del Sol y paez ser más nuevu que la nuesa estrella, con una edá averada de 2000 millones d'años.[3] La so velocidá de rotación, 10 km/s, ye 5 vegaes más rápida que la del Sol.[4]

La so metalicidá paez comparable a la solar; unes fontes señalen un valor llixeramente cimeru ([Fe/H] = +0,03)[3] magar qu'otres apunten un valor inferior ([Fe/H] = -0,13).[2] Les bayures relatives d'elementos como sodiu, magnesiu y azufre tán en redol al 70% de los valores solares, ente que los conteníos de siliciu o aluminiu son bien asemeyaos a los atopaos nel Sol.[3]

17 Cygni ye unu de los oxetivos prioritarios del Terrestrial Planet Finder (TPF) pa la busca de planetes terrestres que puedan allugar vida.

Referencies[editar | editar la fonte]