11 Librae

De Wikipedia
Saltar a navegación Saltar a la gueta
18-12-2007 00:00
11 Librae
Constelación Llibra
Ascensión reuta α 14h 51min 01,07s
Declinación δ -02º 17’ 56,9’’
Distancia 216 años lluz
Magnitú visual +4,93
Magnitú absoluta +0,82
Lluminosidá 56 soles
Temperatura 4750 K
Masa 1,85 soles
Radiu 13 soles
Tipu espectral G8III
Velocidá radial -83,1 km/s

11 Librae (11 Lib / HD 130952 / HR 5535)[1] ye una estrella na constelación de Llibra de magnitú aparente +4,93. Alcuéntrase a una distancia averada de 216 años lluz respeutu al Sistema Solar.

11 Librae ye una xigante mariella de tipu espectral G8III con una temperatura efectivo de 4750 K.[2] Asemeyada a otres xigantes como Capella A (α Aurigae) o Vindemiatrix (ε Virginis), ye 56 vegaes más lluminosa que'l Sol.[2] Tien un radiu 13 vegaes más grande que'l radiu solar, valor llográu a partir de la midida direuta del so diámetru angular —1,38 milisegundos d'arcu—.[3] La so masa ye aproximao un 85% mayor que la del Sol,[2] nun esistiendo consensu sobre la so edá; una fonte señala una edá de 1260 millones d'años,[2] ente qu'otra atribúi-y una edá considerablemente cimera de 5000 ~ millones d'años.[4]

La so metalicidá ye inferior a la del Sol, con una bayura relativa de fierro ente'l 40 y el 47% de la esistente na nuesa estrella;[2][4] otra manera, los valores de nitróxenu y oxíxenu son comparables a los solares. Pue ser una estrella del discu gruesu[5] —a diferencia del Sol, estrella del discu finu—, llevándola la so órbita galáutica a una distancia máxima de 0,70 kilopársecs respectu al planu de la Vía Lláctea.[4]

Referencies[editar | editar la fonte]