10 Tauri

De Wikipedia
Saltar a navegación Saltar a la gueta
Artículu revisáu
10 Tauri
Constelación Tauru
Ascensión reuta α 03h 36min 52,38s
Declinación δ +00º 24’ 06,0’’
Distancia 44,8 ± 0,5 años lluz
Magnitú visual +4,29
Magnitú absoluta +3,59
Lluminosidá 3,2 soles
Temperatura 5996 K
Masa 1,15 soles
Radiu 1,3 soles
Tipu espectral F9IV-V
Velocidá radial +27,6 km/s

10 Tauri (10 Tau / HD 22484 / HR 1101 / Gliese 147) ye una estrella na constelación de Tauru de magnitú aparente +4,28.[1] Alcuéntrase a 45 años lluz del Sistema Solar. La estrella conocida más cercana a ella ye GJ 3237, distante 3,08 años lluz.[2]

10 Tauri ye una estrella mariella de tipu espectral F9IV-V, clasificación estelar que la asitia ente una subxigante y una nana mariella. Paez ser una estrella evolucionada a puntu d'abandonar la secuencia principal; consecuentemente ye una estrella antigua, que la so edá envalorada ye de 5300 ± 1000 millones años. Con una temperatura efectivo de 5996 K,[3] ye unes 3 vegaes más lluminosa que'l Sol.[4] El so radiu ye un 35% más grande que'l radiu solar[5] y xira sobre sigo mesma con una velocidá de rotación proyeutada de 4,5 km/s. La so masa entepasa nun 15% a la masa solar y amuesa una metalicidá llixeramente inferior a la de la nuesa estrella ([Fe/H] = -0,045).[3] Les sos carauterístiques físiques fáenla bien asemeyada a Zavijava (β Virginis) y, al igual qu'ésta, alcuéntrase ente los oxetivos prioritarios del proyeutu Terrestrial Planet Finder pa la busca de planetes terrestres.[6]

L'escesu d'emisión infrarroxa deteutáu en 10 Tauri suxer la esistencia d'un discu circumestelar arrodiando la estrella. El discu de polvu puede tener unes 4,3 UA de radiu y una temperatura de 142 K.[7]

Ver tamién[editar | editar la fonte]

Referencies[editar | editar la fonte]