10 Lacertae

De Wikipedia
Saltar a navegación Saltar a la gueta
Artículu revisáu
10 Lacertae
Constelación Lacerta
Ascensión reuta α 22h 39min 15,68s
Declinación δ +39º 03’ 01,0’’
Distancia 1000 - 1060 años lluz
Magnitú visual +4,88
Magnitú absoluta -2,67
Lluminosidá 26.800 soles (bolométrica)
Temperatura 32.000 K
Radiu 4,7 soles
Masa 16 soles
Tipu espectral O9V
Velocidá radial -9,7 km/s
Otros nomes HD 214680 / HR 8622
HIP 111841 / SAO 72575

10 Lacertae (10 Lac)[1] ye una estrella na constelación Lacerta, el llagartu, de magnitú aparente +4,88. Alcuéntrase a daqué más de 1000 años lluz del Sistema Solar.

10 Lacertae ye una de les poques estrelles azules de tipu espectral O, estrelles calientes, lluminoses y masives, pero bien escases. La so lluminosidá, teniendo en cuenta que la mayor parte de la radiación ye emitida nel ultravioleta, algama la enorme cifra de 26.800 soles. Tien una temperatura superficial de 32.000 K y un diámetru 4,7 vegaes más grande que'l diámetru solar. La so velocidá de rotación proyeutada ye de 31 km/s, lo qu'implica que'l so periodu orbital ye inferior a ocho díes. Como ye característicu d'esti tipu d'estrelles, pierde masa al traviés d'un fuerte vientu estelar que sopla dende la so superficie, a un ritmu un millón de vegaes mayor que nel Sol.[2]

Con una masa 16 vegaes mayor que la masa solar, ye una estrella bien nueva, que nel so nucleu produzse la fusión del hidróxenu, asitiándose nel diagrama de Hertzsprung-Russell dientro de la secuencia principal. Sicasí, estes estrelles tan masives peracaben el so combustible rápido y 10 Lacertae va españar como una supernova nunos 10 millones d'años.[2]

Una compañera visual de magnitú +10,0, BD+38 4826B,[3] ta separtada 1 minutu d'arcu de 10 Lacertae. Nel casu de que fuera una compañera real, la so distancia al respective de 10 Lacertae sería de siquier 20.000 UA, polo que posiblemente nun esista rellación física ente dambes estrelles.[2]

Referencies[editar | editar la fonte]