100 Women (BBC)
| 100 Women (BBC) | ||
|---|---|---|
| Concedíu por | British Broadcasting Corporation | |
| Llocalización | Broadcasting House | |
| Historia | ||
| Primer entrega | 2013 | |
| Sitiu oficial | ||
| [editar datos en Wikidata] | ||
100 Women (n'asturianu, 100 Muyeres) ye una serie multiformatu de la BBC qu'inició en 2013. La serie esamina'l papel de les muyeres nel sieglu xxi y yá incluyó eventos en Londres y en Méxicu. Una vegada que se conoz el nome de les premiaes, entama una serie denominada BBC's women season (temporada de muyeres de la BBC), con trés selmanes de duración, ya inclúi emisiones, reportaxes, alderiques y artículos rellacionaos coles muyeres. Anímase a muyeres de tol mundu a participar al traviés de la rede social X (Twitter) comentando la llista de premiaes, según les alderiques y entrevistes que s'espublicen darréu la publicación de la llista.
Historia
[editar | editar la fonte]Tres la violación en grupu de Delhi en 2012, la entós supervisora d'idiomes de la BBC, Liliane Landor, y Fiona Crack, la editora de la BBC, además d'otres periodistes decidieron crear una serie centrada nos problemes y llogros de les muyeres na sociedá actual. Consideraben que munchos de los problemes a los que s'enfrentaben les muyeres nun recibíen una atención fonda. En marzu de 2013, la BBC recibió unu “ábanu de comentarios d'oyentes femenines” nel sentíu de que la corporación tenía d'ufiertar más “conteníos de y sobro muyeres”.
La BBC llanzó esta serie en 2013 para encetar la infrarepresentación de les muyeres nos medios de comunicación.[1] Les muyeres que participaron nel primer programa fueron escoyíes por aciu una encuesta realizada a 26 servicios de traducción distintes. La programación desenvolvióse a lo llargo d'un mes, y remató con una conferencia celebrada'l 25 d'ochobre, na que 100 muyeres de tol mundu aldericaron sobre temes que compartíen. Ente les temes trataes tuvieron los retos llaborales, el feminismu, la maternidá y la relixón, pa esaminar los desafíos culturales y sociales a los que s'enfrenten na so vida diaria.[2]
De magar, la serie tomó munches temes, como la educación, la sanidá, la igualdá salarial, la mutilación xenital, la violencia doméstica, y los abusos sexuales. Amás búscase apurrir a les muyeres una plataforma para falar de cómo ameyorar el mundu y esaniciar el sexismu.[3] Les muyeres incluyíes na llista, que vienen de tol mundu, tán implicaes en diversos campos d'innovación. Inclúyense tanto muyeres que yá son famoses, como persones menos conocíes.
Galardonaes
[editar | editar la fonte]2013
[editar | editar la fonte]L'eventu de 2013 foi una serie de la BBC d'un mes de duración que tuvo llugar n'ochobre. Esta serie esaminó la función de les muyeres nel sieglu xxi y remató con un actu celebráu na sede de la BBC Broadcasting House (casa de la radiodifusión) en Londres, el 25 d'ochobre de 2013. Nesti eventu, participó un centenar de muyeres de tol mundu, toes elles procedentes de distintos ámbitos de la vida y con distintes esperiencies vitales. La xornada cuntó con alderiques y discutinios en radio, televisión y en llinia, nos que se pidió a les participantes que dieren la so opinión sobre los problemes a los que s'enfrenten les muyeres.
2014
[editar | editar la fonte]La iniciativa 100 Muyeres de la BBC continuó lo fecho nel primer añu.
2015
[editar | editar la fonte]La llista de les 100 Muyeres de la BBC en 2015 tuvo formada por munchos nomes internacionales notables, y tamién por muyeres poco conocíes, pero que representen a los problemes colos que les muyeres s'enfrenten. Les muyeres de 2015, son orixinaries de 51 países y nun fueron necesariamente aquelles a quien tradicionalmente seríen vistes como exemplos a siguir: una muyer que carez una depresión, una muyer que defende para accesu igualitariu a les instalaciones de bañu, una muyer qu'anima otres muyeres a nun maquillase y una nómada.
2016
[editar | editar la fonte]Desafíu foi'l tema de 2016. Parte del festival "100 Muyeres" tuvo llugar en Ciudá de Méxicu nesi mesmu añu. La llista 2016 foi publicada n'orde alfabéticu.
2017
[editar | editar la fonte]En 2017, les muyeres de la llista formaron parte del 100 Women Challenge, que trató dalgunos de los mayores problemes a los que s'enfrenten les muyeres en tol mundu. Aconceyaes en cuatro equipos, les muyeres compartieron les sos esperiencies y pensaron formes innovadores d'encetar problemes como l'analfabetismu femeninu (#Teamread), l'acoso caleyeru (#Teamgo), el techu de cristal (#Teamlead) o'l sexismu nel deporte (#Teamplay).
2018
[editar | editar la fonte]La llista de 2018 anuncióse en payares ya incluyía a la 27ª primer ministra australiana Julia Gillard, Stacey Cunningham, que dirixe la Bolsa de Nueva York, y Shaparak Shajarizadeh, qu'impugnó la llei iranina qu'esixe que les muyeres lleven el hiyab.
2019
[editar | editar la fonte]Esta llista foi publicada'l 16 d'ochobre de 2019.[4]
2020
[editar | editar la fonte]La llista de 2020 foi descrita como "distinta" primero que s'anunciar'l 24 de payares de 2020, pero foi publicada'l día anterior. Estableciéronse cuatro categoríes para les premiaes: conocencia (32), lideralgu (29), creatividá (21) ya identidá (17).
2021
[editar | editar la fonte]La llista de 2021 publicóse'l 7 d'avientu, con especial atención a Afganistán. La palabra clave del añu reaxustóse, tomando a les muyeres que contribuyeron a "desempeñar el so papel pa reinventar la nuesa sociedá, la nuesa cultura y el nuesu mundu".
2022
[editar | editar la fonte]La llista de 2022 publicóse'l 6 d'avientu. Les muyeres incluyíes nesta ocuasión fueron la ucraniana Olena Zelenska, Nana Darkoa Sekyiamah, la cantante Billie Eilish, Selma Blair, Ala Pugachova, Priyanka Chopra Jonas, Selma Blair, Lina Abu Akleh, Ala Pugachova, Elnaz Rekabi y [[Yulimar Rojas.[5] La llista dixebróse en cuatro categoríes: Política y educación, Cultura y deporte, Activismu ya incidencia política, y Salú y ciencia.
2023
[editar | editar la fonte]La llista 2023 fíxose pública'l 21 de payares ya incluyía a 21 muyeres rellacionaes col cambéu climáticu. Ente les galardonaes atopábense la xugadora de críquet india Harmanpreet Kaur, la futbolista española Aitana Bonmatí, les abogaes Michelle Obama y Amal Clooney, la científica Timnit Gebru, Trần Gấm y Huda Kattan. La llista dixebróse en cuatro categoríes: Cultura y educación, Entretenimientu y deportes, Política y sensibilización y Ciencia, salú y tecnoloxía, con 28 de les galardonaes denominaes pioneres del clima (amosaos como files verdes más embaxo).[6]
2024
[editar | editar la fonte]El llistáu publicóse'l 3 d'avientu de 2024. Ente les temes incluyíes tuvo l'impactu de la emerxencia climática con protagonistes como l'activista nixeriana Adenike Oladosu. Tamién defensores de los derechos humanos como la congolesa Annie Sinanduku Mwange, la brasilana Lourdes Barreto o la venezolana Katherine Martínez. Otros nomes destacaos fueron los de la sobreviviente de violación y activista Gisèle Pelicot, l'artista Tracey Emin o la Premiu Nobel de la Paz Nadia Murad.[7]
Referencies
[editar | editar la fonte]- ↑ Impact case study (REF3b): Impact on strategy and institutional memory at the BBC World Service. C23 Sociology, Open University. 2014. http://impact.ref.ac.uk/casestudies2/refservice.svc/GetCaseStudyPDF/32060.
- ↑ 11 things you need to know about #100Women. 3 de payares de 2013. http://www.cosmopolitan.co.uk/reports/a23843/100-women-conference-2013/.
- ↑ «Meet the most badass women of 2016». Glamour (New York City, New York: Condé Nast). 21 de payares de 2016. http://www.glamourmagazine.co.uk/article/meet-the-most-badass-women-of-2016-1. Consultáu'l 6 d'avientu de 2016.
- ↑ «BBC 100 Women 2019: Who is on the list this year?». BBC News. Consultáu'l 16 d'ochobre de 2019.
- ↑ «BBC 100 Women 2022: Who is on the list this year? - BBC News» (inglés). News. Consultáu'l 2022-12-07.
- ↑ «BBC 100 Women 2023: Who is on the list this year? - BBC News» (inglés). News. Consultáu'l 2024-01-21.
- ↑ «BBC 100 Mujeres 2024: ¿quién está en la lista este año? - BBC News Mundo». News Mundo. Consultáu'l 2024-12-16.
Enllaces esternos
[editar | editar la fonte]
Wikimedia Commons acueye conteníu multimedia sobre 100 Women.
| Control d'autoridaes |
|
|---|
Datos: Q16153104- Multimedia: BBC 100 Women