Ḥou

De Wikipedia

Un ḥou (plural, ḥoos) ye una fondigonada o canal fonda en monte que tien un orixe glaciar y kársticu[1]. Una carauterística fundamental de los ḥoos ye que'l suelu ta formáu por lleres productu tanto de la actividá glacial como de la rotura pola aición del xelu nes peñes d'alredor, nun teniendo apenes tierra pa dar sofitu a la vida vexetal.

Ta documentada la presencia en dalgunos ḥoos de glaciares n'altitúes relativamente baxes demientres la pequeña edá de xelu (del sieglu XIV al sieglu XIX), quedando anguaño resclavos de los mesmos en pequeñes zones como nel Ḥou Negru[2].

Llingüísticamente falando, trátase d'un orientalismu de la llingua asturiana y un cantabrismo; y el so usu na toponimia ye bien usual nes partes de monte del Oriente d'Asturies y l'Occidente de Cantabria.

Referencies[editar | editar la fonte]

  1. García Codrón, Juan Carlos. «La caliar y el karst en la Península Ibérica». Consultáu'l 24 de xunu de 2013.
  2. Atkinson, Alan D.J. y otros. «Monitoring of a melting ice patch from geomatic techniques: the Jou Negro». Consultáu'l 24 de xunu de 2013.