Óliver Laxe

Óliver Laxe
Vida
Nacimientu	París, 11 d'abril de 1982 (42 años)
Nacionalidá	España
Estudios
Estudios	Universidá Pompeu Fabra
Llingües falaes	castellanu
Oficiu	direutor de cine, guionista, actor de cine, productor de cine, actor
	Participante Tabakalera (es) ;
IMDb	nm3890574

Óliver Laxe (11 d'abril de 1982, París) ye un actor, direutor y guionista de cine gallegu. Nel 2010, ganó'l Premiu Fipresci del Festival Internacional de Cine de Cannes pola so película Todos vós sodes capitáns.^[1] Nel 2016, ganó'l Gran Premiu de la Selmana de la Crítica de Cannes polo so trabayu en Mimosas.^[2]

Trayeutoria[editar | editar la fonte]

Fíu de padres gallegos, volvió con ellos a Galicia en 1988. N'estudiando n'A Coruña coló a Barcelona a estudiar cine na Universidá Pompeu Fabra.

La so filmografía empieza en Londres, onde xunto a Enrique Aguilar rodó la curtametraxe E as chemineas decidiron escapar (2006). Depués treslladóse a Tánxer, onde rodó les curtametraxes Suena una trompeta, ahora veo otra cara (2007) y París #1, coles que llogró dellos premios en certámenes cinematográficos.

Ellí creó'l proyeutu Dao Byed, un taller cinematográficu pa los neños probes del Magreb. D'esta esperiencia, inspirada n'otra similar de León Tolstoi con neños llabradores rusos, salió la so primera longametraxe, Todos vós sodes capitáns (2009) cola que ganó'l premiu FIPRESCI nel Festival Internacional de Cine de Cannes 2010.

Rodó tamién a longametraxe Mimosas, nome del hotel en ruines onde Tennessee Williams empezó a escribir Cat on a Hot Tin Roof.