Ípsilon Aurigae

De Wikipedia
Saltar a navegación Saltar a la gueta
Ípsilon Aurigae
Ípsilon Aurigae
Constelación Auriga
Ascensión reuta α 05h 51min 02,44s
Declinación δ +37º 18’ 20,1’’
Distancia 475 ± 53 años lluz
Magnitú visual +4,74
Magnitú absoluta -1,10
Lluminosidá 990 soles
Temperatura 3800 K
Masa 2,5 soles (aprox)
Radiu 73 soles
Tipu espectral M0III
Velocidá radial +37,7 km/s

Ípsilon Aurigae o Upsilon Aurigae (υ Aur / 31 Aurigae / HD 38944 / HR 2011) ye una estrella de magnitú aparente +4,74 asitiada na constelación d'Auriga. Alcuéntrase a 475 años lluz de distancia del Sistema Solar.

Ípsilon Aurigae ye una xigante colorada de tipu espectral M0III.[1] La so temperatura superficial ye de 3800 K y ye 990 vegaes más lluminosa qu'el Sol. El so radiu ye 73 vegaes mayor qu'el radiu solar, práuticamente la distancia ente'l Sol y el planeta Mercuriu. Ye posible que sía una estrella variable con una pequeña variación nel so rellumu de 0,1 magnitúes.[2]

Ípsilon Aurigae tien una edá d'unos 760 millones d'años, cuando empezó la so vida como una estrella blanca de tipu B9.[3] Mientres 585 millones d'años el hidróxenu del so nucleu internu foise tresformando —por aciu fusión nuclear— en heliu; una vegada consumíu l'hidróxenu, la estrella empezó a espandise y esfrecese. N'algamando clase G, la estrella amontó'l so rellumu nun factor de 7, pa depués empezar la fusión del heliu internu en carbonu y oxíxenu. Escosáu l'heliu, la estrella ta agora aumentando'l so rellumu de nuevu con un nucleu inerte de carbonu-oxíxenu. Nun futuru va tornase inestable y va empezar a púlsar como una variable Mira, para, n'última instancia, espulsar les sos capes esteriores y convertise nuna nana blanca.[3]

Referencies[editar | editar la fonte]