Épsilon Scuti

De Wikipedia
Saltar a navegación Saltar a la gueta
Épsilon Scuti
Épsilon Scuti
Constelación Scutum
Ascensión reuta α 18h 43min 31,11s
Declinación δ -08º 16’ 33,7’’
Distancia 538 ± 7 años lluz
Magnitú visual +4,90
Magnitú absoluta -1,14
Lluminosidá 460 soles
Temperatura 4920 K
Masa 4 soles
Radiu 38 soles
Tipu espectral G8IIb
Velocidá radial -11,1 km/s

Épsilon Scuti (ε Sct / HD 173009 / HR 7032)[1] ye una estrella na constelación de Scutum, l'escudu de Sobieski. Ye la séptima más brillosa de la mesma con magnitú aparente +4,90 y alcuéntrase a 538 ± 7 años lluz del Sistema Solar.[2]

Épsilon Scuti ye una xigante lluminosa mariella de tipu espectral G8IIb —la «b» indica que dientro d'esti grupu ye de les menor lluminosidá— con una temperatura superficial de 4920 K. Ye 460 vegaes más lluminosa qu'el Sol pero unes 7 vegaes menos lluminosa que β Scuti, tamién xigante lluminosa mariella nesta mesma constelación. El radiu de Épsilon Scuti ye 30 vegaes más grande qu'el radiu solar, equivalente a 0,14 UA. Xira sobre sigo mesma a una velocidá de rotación proyeutada de 6 km/s, polo que'l so periodu de rotación pue ser d'hasta 255 díes.

Épsilon Scuti tien una masa 4 vegaes mayor que la del Sol y la so edá envalórase en 180 millones d'años. Empecipió la so vida como una estrella de la secuencia principal de tipu B6 muncho más caliente que güei. Anguaño, escosáu yá'l hidróxenu, nel so nucleu tien llugar la fusión de heliu en carbonu y oxíxenu.[2]

Épsilon Scuti puede ser una estrella binaria, magar nun se conoz nin la naturaleza nin la separación de la posible acompañante.[3]

Referencies[editar | editar la fonte]