Épsilon Leporis

De Wikipedia
Saltar a navegación Saltar a la gueta
Épsilon Leporis
Épsilon Leporis
Constelación Lepus
Ascensión reuta α 05h 05min 27,66s
Declinación δ -22º 22’ 15,7’’
Distancia 213 ± 3 años lluz
Magnitú visual +3,19
Magnitú absoluta -1,02
Lluminosidá 219 soles
Temperatura 4131 K
Masa 1,7 soles
Radiu 40 soles
Tipu espectral K4III
Velocidá radial +1,0 km/s

Épsilon Leporis (ε Lep / 2 Leporis / HD 32887 / HR 1654)[1] ye una estrella na constelación de Lepus, la llebre, dacuando conocida col nome de Sasin.[2] De magnitú aparente +3,19, ye la tercera más brillosa nesta constelación dempués de Arneb (α Leporis) y Nihal (β Leporis). Alcuéntrase a 213 años lluz de distancia del Sistema Solar.

Épsilon Leporis ye una de les abondoses xigantes naranxes visibles nel cielu nocherniegu, ente les cualos destaquen Arturu (α Bootis) y Pólux (β Geminorum) por ser les más brilloses. De tipu espectral K4III,[1] Épsilon Leporis tien una temperatura efectivo de 4131 K. El so radiu ye 40 vegaes más grande qu'el radiu solar[3] y si tuviera nel llugar del Sol, la so superficie estiéndese hasta casi la metá de la órbita de Mercuriu. Xira sobre sigo mesma con una velocidá de rotación proyeutada de 4,3 km/s,[4] implicando qu'el so periodu de rotación puede durar hasta 1,3 años.[5] La so masa ye un 70% mayor que la del Sol y tien una edá averada de 1720 millones d'años.[3]

Épsilon Leporis tien una metalicidá —bayura relativa d'elementos más pesaos qu'el heliu— daqué menor que la solar; el so conteníu relativo de fierro ye un 81% del esistente nel Sol.[3]

Referencies[editar | editar la fonte]