Épsilon Equulei

De Wikipedia
Saltar a navegación Saltar a la gueta
Épsilon Equulei
Épsilon Equulei A/B
Constelación Equuleus
Ascensión reuta α 20h 59min 04,48s
Declinación δ +04º 17’ 36,5’’
Distancia 176 ± 13 años lluz
Magnitú visual +5,23 (conxunta)
Magnitú absoluta +1,40 (conxunta)
Lluminosidá 11,1 / 7,8 soles
Temperatura 6500 / 6300 K
Masa 1,6 / 1,55 soles
Radiu 2,6 / 2,3 soles
Tipu espectral F5IV / F7IV
Velocidá radial +17,8 km/s
Otros nomes HD 199766 / HR 8034
HIP 103569 / SAO 126428

Épsilon Equulei (ε Equ / 1 Equulei)[1] ye un sistema estelar de magnitú aparente +5,23 na constelación de Equuleus. Alcuéntrase a 176 años lluz de distancia del Sistema Solar.

Componentes A y B[editar | editar la fonte]

Los dos estrelles más brilloses de Épsilon Equulei, denominaes Épsilon Equulei A y B, son subxigantes de tipu espectral F5IV y F7IV respeutivamente. La primera tien una temperatura superficial averada de 6500 K y la so lluminosidá ye 11,1 vegaes superior a la del Sol. Tien un radiu 2,6 vegaes más grande qu'el radiu solar y una masa un 60% mayor que la del Sol. La velocidá de rotación proyeutada midida nel sistema —42 km/s— probablemente correspuende a esta estrella. Pela so parte, Épsilon Equulei B tien una temperatura de 6300 K y ye 7,8 vegaes más lluminosa que'l Sol. El so radiu ye 2,3 vegaes más grande qu'el del Sol y puede tener una masa averada de 1,55 mases solares.[2]

El periodu orbital d'esta binaria ye de 101,5 años. Anque la separación media ente les dos estrelles ye de 35 UA, la órbita ye notablemente escéntrica polo que la separación ente dambes varia ente 10 y 60 UA. El postreru periastru foi en 1920 y el próximu va tener llugar en 2121.[2]

A lo último, piénsase que la Épsilon Equulei A pue ser, de la mesma, una binaria espectroscópica. El periodu orbital d'esta postrera sería de 2,03 díes.[2]

Componentes C y D[editar | editar la fonte]

Aprosimao a 10 segundos d'arcu del par AB puede reparase una estrella, denomada Épsilon Equulei C (HIP 103571 / BD+03 4473C), de magnitú 7,3. Ye una estrella de tipu G0V[3] que la so separación cola binaria ye igual o mayor de 665 UA, implicando un periodu orbital de más de 7500 años.

Una quinta estrella, Épsilon Equulei D (BD+03 4473D),[4] completa'l sistema estelar. De magnitú 12,4, la so separación respeutu al brillante par AB ye de más de 4300 UA.[2]

El sistema Épsilon Equulei tien una edá averada de 2200 millones d'años.[2]

Referencies[editar | editar la fonte]