Épsilon Arietis

De Wikipedia
Saltar a navegación Saltar a la gueta
Épsilon Arietis
Épsilon Arietis A/B
Constelación Aries
Ascensión reuta α 02h 59min 12,7/12,6s
Declinación δ +21º 20’ 25/23’’
Distancia 342 ± 24 años lluz
Magnitú visual +4,63 (conxunta)
Magnitú absoluta -0,13 (conxunta)
Lluminosidá 80 / 55 soles
Temperatura 9100 / 9100 K
Masa 2,7 / 2,5 soles
Radiu 3,6 / 3,0 soles
Tipu espectral A3V / A3V
Velocidá radial -7,9 / -6,0 km/s

Épsilon Arietis (ε Arietis / ε Ari / 48 Arietis) ye un sistema estelar na constelación d'Aries —el carneru— asitiáu a 342 años lluz de distancia del Sistema Solar. Apodera'l sistema una binaria que les sos dos componentes son estrelles blanques de la secuencia principal de tipu espectral A3V. Bien asemeyaes, anque non idéntiques, les sos magnitúes aparentes respeutives son +5,17 y +5,57. La duplicidá de Épsilon Arietis afayóse por Otto Wilhelm von Struve en 1827.

La estrella primaria (Épsilon Arietis A / HD 18520 / HR 888)[1] relluma con una lluminosidá 80 vegaes mayor que la del Sol. Tien un radiu 3,6 vegaes más grande qu'el radiu solar y una masa averada de 2,7 mases solares.[2] El so acompañante (Épsilon Arietis B / HD 18520 / HR 887)[3] tien una lluminosidá 55 vegaes mayor que la lluminosidá solar. Con un radiu 3 vegaes más grande qu'el del Sol, tien una masa de 2,5 mases solares. Dambes tienen una temperatura efectivo averada de 9100 K.

La separación visual ente dambes estrelles ye anguaño de 1,5 segundos d'arcu. Los parámetros orbitales del sistema nun son bien conocíos —el movimientu relativu de los dos componentes suxure un periodu orbital de 1216 años— y la distancia media ente elles ye de 228 UA. Completa'l sistema una tercer estrella, denomada Épsilon Arietis C (BD+20 484C),[4] separada de la binaria siquier 15.000 UA. La so magnitú aparente +12,7 correspuende a una nana naranxa de tipu K7 y emplegaría más de 800.000 años en completar una vuelta en redol a la binaria. La edá envalorada d'esti sistema ye de 420 millones d'años.[2]

Referencies[editar | editar la fonte]