Åke Munthe

De Wikipedia
Saltar a navegación Saltar a la gueta
Åke MunthePicto infobox character.png
1916 åke munthe.jpg
Vida
Nacimientu

Jönköping (es) Traducir1859

[2]
Nacionalidá Bandera de Suecia Suecia
Muerte

Danderyd parish (en) Traducir1933

[3] (73/74 años)
Familia
Fíos/es
Hermanos/es
Pueblu Munthe (en) Traducir
Oficiu
Oficiu rectorfilólogu
Cambiar los datos en Wikidata

Helge Åke Rudolf W:son Munthe[4] (1859Jönköping (es) Traducir – 1933Danderyd parish (en) Traducir) foi un romanista suecu, que publicó dellos llibros y artículos de tema hispánicu, particularmente sobre l'asturianu. Foi tamién director del institutu de comerciu Frans Schartau.

Depués d'estudiar nes universidaes d'Uppsala, Madrid y París, Munthe doctoróse'l 1887 cola tesis Anteckningar om folkmålet i en trakt af västra Asturien (Anotaciones sobre el habla popular en una zona del occidente de Asturias); los materiales pa esta tesis recoyéralos sobre too nun viaxe fechu en 1886 a Cangas del Narcea, que tamién-y dio materiales pa una publicación sobre'l folklore d'Asturies: Folkpoesi från Asturien (1889; Poesía popular de Asturias).[5] Caltuvo una rellación d'amistá con Braulio Vigón, que-y dio información complementaria pa la so tesis.[6]

Munthe foi profesor asociáu d'español y portugués na Universidá. De 1890 a 1925 fo'l director del institutu de comerciu Franz Schartau (Frans Schartaus Praktiska Handelsinstitut) n'Estocolmu. Amás de temes asturianos, publicó tamién sobre l'español: Kortfattad spansk språklära (3a edición, 1929) y dellos artículos de revistes, ente otres los publicaos en Studier i modern språkvetenskap, revista de la Nyfilologiska sällskapet (Asociación de la Nueva Filoloxía) de la que Munthe foi ún de los fundadores en 1896 y presidente hasta 1916. Munthe tamién publicó sobre la llingua sueca Språk och stil y Nysvenska studier y sobre temes económicos y comerciales.

Igualmente tradució delles obres de teatru españoles al suecu; obres del Premiu Nobel José Echegaray y Eizaguirre o de Vital Aza (El sombrero de copa, Domarens hatt, estrenada n'avientu de 1912 nel Strindbergs Intima Teater).

Publicaciones d'Åke Munthe[editar | editar la fonte]

  • Anteckningar om folkmålet i en trakt af västra Asturien (tesis; 1887)
    • Anotaciones sobre el habla popular de una zona del occidente de Asturias. Uviéu: Biblioteca de Filoloxía asturiana, 1987 [traducción al español d'Anteckningar om folkmalet i en trakt af vestra Asturien, con motivu del centenariu de la publicación]
  • Folkpoesi från Asturien (1889)
    • Poesía popular de Asturias. Xixón: Muséu del Pueblu d'Asturies, 2014. Traducción de Juaco López Álvarez y Jesús Suárez López
  • "Romance de la tierra. Chanson populaire asturienne" en Recueil de mémoires philologiques presenté a M. Gaston Paris par ses élèves suédois (1889)
  • Kortfattad spansk språklära [Gramática breve española] (1919)
  • Spansk läsebok [llibru de llectura pal enseñu del español] (1920).

Referencies[editar | editar la fonte]

  1. Identificador Diccionario Biográfico Sueco: 8544. Data de consulta: 16 avientu 2016. Autor: Kent Zetterberg. Títulu: Munthe, släkt. Tomu: Band 26 (1987-1989).
  2. Afirmao en: Alvin. Uppsala University Alvin ID: alvin-person:29369. Apaez como: Helge Åke Rudolf W:son Munthe.
  3. Identificador Diccionario Biográfico Sueco: 8544. Data de consulta: 16 avientu 2016. Autor: Kent Zetterberg. Títulu: Munthe, släkt. Tomu: Band 26 (1987-1989). Páxina: 31.
  4. "W:son" indica la filiación paterna "Wilhelmsson"
  5. Ver la información citada nos enllaces esternos
  6. Ver Anotaciones..., nota 24, páx. 20

Enllaces esternos[editar | editar la fonte]