Área metropolitana de Nueva York

De Wikipedia
Saltar a navegación Saltar a la gueta
Área metropolitana de Nueva York
Top of Rock Cropped.jpg
Alministración
PaísBandera de Estaos Xuníos d'América Estaos Xuníos d'América
EstaosBandera de Nueva York (estáu) Nueva York (estáu)
Ciudá globalFlag of New York City.svg Nueva York
Xeografía
Coordenaes 40°48′31″N 74°01′13″O / 40.8086°N 74.0203°O / 40.8086; -74.0203Coordenaes: 40°48′31″N 74°01′13″O / 40.8086°N 74.0203°O / 40.8086; -74.0203
NY Metropolitan Area.png
Superficie 34,490 km²
Demografía
Población 23 632 722 hab. (2013)
Densidá Error d'espresión: Caráuter de puntuación "," non reconocíu. hab/km²
Más información
Estaya horaria Horariu del este de Norteamérica
Cambiar los datos en Wikidata

L'área metropolitana de Nueva York, tamién conocida como Área de los trés estaos (Tri-State Area) ye la mayor área metropolitana del mundu por estensión de superficie urbana, con 11.640 km²[1]. Inclúi la ciudá de Nueva York (la más poblada d'Estaos Xuníos), Long Island y los tramos mediu y baxu del valle del Hudson, nel estáu de Nueva York; les cinco ciudaes mayores del estáu de Nueva Jersey (Newark, Jersey City, Paterson, Elizabeth y Edison) y la so rodiada; y seis de les siete mayores ciudaes de Connecticut (Bridgeport, New Haven, Stamford, Waterbury, Norwalk y Danbury) y la so rodiada.

L'área metropolitana de Nueva York ye la más poblada del país: si la definimos en términos de la so área estadística metropolitana, de 17.405 km² d'estensión, tenía 20,3 millones d'habitantes en 2017[2], y si la definimos en términos de la so área estadística combinada, que compriende 34.493 km², la so población yera de 23,7 millones de residentes en 2016[3]. Ye la décima mayor aglomeración urbana del mundu[4], y la principal puerta d'entrada d'inmigrantes ilegales nel país[5]; ye l'área metropolitana del mundu con un porcentaxe mayor de xente nacida fuera del país. La población del área ye mayor que la del conxuntu del estáu de Nueva York, y al so espaciu aereu aportaron, en 2016, 130 millones de pasaxeros[6].

L'área ye una de las rexones económiques más importantes del mundu; agospia la sede y los centros productivos de munches industries, instituciones financieres y educatives, medios de comunicación, industries de moda y bioteunoloxía, servicios llegales, industries del entretenimientu... El productu interior brutu del área estadística metropolitana foi, en 2015, de 1,6 billones de dólares[7], y el del área estadística combinada superaba, en 2015, los 1,83 billones, que faen d'ella la más rica del país y ser, respeutivamente, el décimu y octavu "país" más ricu del mundu. Nella tán 7 de los 25 condaos más ricos por ingresu mediu por hogar del país, y cinco de los 10 llugares más ricos d'Estaos Xuníos según una encuesta de Bloomberg: Scarsdale y Bronxville, nel estáu de Nueva York; Short Hills, en Nueva Jersey; y Old Greenwich y Darien, en Connecticut[8].

La rede d'instituciones d'educación superior del área inclúi cientos d'universidaes, incluyendo la Universidá de Columbia, la Universidá de Princeton y la Universidá de Yale, que figuren davezu nos primeros puestos de los ránkings del país y del mundu, siempre ente les diez primeres[9][10]. Otres, como la Universidá de Nueva York, la Universidá Rockefeller y el campus teunolóxicu de la Universidá de Cornell apaecen tamién ente les 40 meyores del mundu[11][12].

Definición[editar | editar la fonte]

Panorama urbanu de Nueva York y Jersey City dende Newark, Nueva Jersey
Panorama urbanu de Nueva York y Jersey City dende Newark, Nueva Jersey

Área estadística metropolitana[editar | editar la fonte]

Área Estadística Combinada de Nueva York-Newark, NY-NJ-CT-PA
División Metropolitana de Nueva York-White Plains-Wayne
División del Área Metropolitana de Nassau-Suffolk
División del Área Metropolitana de Newark
División del Área Metropolitana de Dutchess-Puttnam
Restu del Área Estadística Combinada de Nueva York-Newark-Bridgeport, NY-NJ-CT-PA

La Oficina d'Alministración y Presupuestu de los Estaos Xuníos usa dos definiciones pal área: l'área estadística metropolitana (AEM) y l'área estadística combinada (AEC). La primera nómase New York-Newark-Jersey City, NY-NJ-PA Metropolitan Statistical Area, y ye'l llar de 20,3 millones de persones (estimación pal 2017 del U.S. Census Bureau), esto ye, aprosimadamente ún de cada 16 estauxunidenses, y siete millones más que la siguiente mayor área metropolitana, la de Los Angeles[2]. L'área sodivídese en cuatro divisiones metropolitanes, y compriende en conxuntu 26 condaos: 12 nel estáu de Nueva York (los cinco boroughs de la ciudá de Nueva York, los dos de Long Island y cinco na parte baxa del valle del Hudson); 13 de les fasteres central y septentrional del estáu de Nueva Jersey; y ún de la zona nororiental de Pennsylvania. L'área compriende nel so interior la mayor área urbanizada del país, la New York–Newark, NY–NJ–CT Urbanized Area, con una estensión aprosimada de 17.405 km².

Los condaos, y agrupaciones d'ellos, que compriende l'área metropolitana de Nueva York son lo que vienen, acompañaos d´una estimación de población pa 2012, darréu:

AEM de Nueva York-Norte de Nueva Jersey-Long Island (Nueva York-Nueva Jersey-Pennsylvania) (19.831.858) (estimación 2015: 20.182.305[2])

Área estadística combinada[editar | editar la fonte]

Les árees estadístiques combinaes (AEC) agrupen árees estadístiques adxacentes que tienen un altu grau d'interconexión económica. L'AEC New York-Newark tenía una población estimada, en 2014, de 23,7 millones d'habitantes[3]. Cuasi ún de cada 15 estauxunidenses vive nesta rexón, qu'inclúi diez condaos adicionales, en cuatro estaos (Nueva York, Nueva Jersey, Connecticut y Pennsylvania) al AEM. Esti área, sacante'l territoriu correspondiente a Pennsylvania, aveza a nomase l'área de los trés estaos o la rexón de los trés estaos (tri-state area o tri-state region).

L'AEC New York-Newark compriende, amás de les AEM detallaes nel apartáu anterior, les siguientes:

Ciudaes principales[editar | editar la fonte]

La siguiente llista inclúi les ciudaes principales na Área d'Estadística Combinada de Nueva York-Newark, con datos de la Oficina del Censu de los EE.XX. de 2010. Considérense xeneralmente ciudaes principales a les que tienen un númberu mayor de puestos de trabayu que de residentes que trabayen[13].

Referencies[editar | editar la fonte]

  1. ↑ World Urban Areas (Demographia 2018).
  2. ↑ 2,0 2,1 2,2 Annual estimates of the resident population: April 1 2010 to July 1, 2017 - Metropolitan Statistical Area; and for Puerto Rico - 2017 Population Estimates. U.S. Census Bureau.
  3. ↑ 3,0 3,1 Annual estimates of the residents population: April 1 2010 to July 1, 2015 - Combined Statistical Area; and for Puerto Rico - 2015 Population Estimates. U.S. Census Bureau.
  4. ↑ Largest cities of the world - by metro population. Woolwine-Moen Group d/b/a Graphic Maps.
  5. ↑ Yearbook of Immigration Statistics: 2013 Lawful Permanent Residents Supplemental Table 2. U.S. Department of Homeland Security.
  6. ↑ The Port Authority of NY and NJ 2016 Air Traffic Report. The Port Authority of NY and NJ (14/04/2017).
  7. ↑ Gross Metropolitan Product of the United States in 2013, by metropolitan areas. Statista.com
  8. ↑ America's 100 richest places. Bloomberg.com, 5 de marzu de 2018.
  9. ↑ Best colleges in 2019. usnews.com
  10. ↑ Best Global Universities Rankings. usnews.com
  11. ↑ Academic Ranking of World Universities 2017. shanghairanking.com
  12. ↑ CWUR 2016 - World University Rankings
  13. ↑ Office of Management and Budget - Standards for Defining Metropolitan and Micropolitan Statistical Areas, Sec. 5.

Enllaces esternos[editar | editar la fonte]

Área metropolitana de Nueva York
Sacáu de «https://ast.wikipedia.org/w/index.php?title=Área_metropolitana_de_Nueva_York&oldid=3013647»