Piñera (Ḷḷena)

Piñera ye una parroquia del conceyu asturianu de Ḷḷena. Asítiase nel centru del conceyu, y llenda: al norte cola parroquia de Sotieḷḷo, al noreste cola d'Erías, al este cola de Las Puentes, al sureste cola de Chanos de Somerón, al sur cola de Teyeo y al oeste cola de Xomezana. Tien una estensión de 7,78 km² y una población de 57 habitantes (INE, 2010). Estos repártense ente los llugares de Carraluz (20 habitantes), Piñera Baxo (33 habitantes) y Piñera Riba (4 habitantes).

Hai dellos cantares que fain referencia a los reniegos o conceyones, que asina son conocíos los habitantes de Piñera, y a les xentes de Carraluz. Apuntamos equí dos d'ellos:

Los mozos de Carraluz
son pocos y valen menos,
hay que llevalos a Faro
y cambialos por tarreños.

Los mocinos de Piñera
gastan muncho ringo rango,
un pañuelo en cada bolso
y la moquita pingando.

Bibliografía

• Espediente colos topónimos oficiales de Ḷḷena
• VV.AA., Diccionario geográfico de Asturias. Uviéu, Editorial Prensa Asturiana, 2000.
• Castañón, Luciano, Diccionario geográfico popular de Asturias. Uviéu, Servicio de Publicaciones del Principado de Asturias, 1990.