Campumanes (parroquia)

Campumanes (Campomanes en castellanu) ye una parroquia del conceyu asturianu de Ḷḷena. Ta allugada na zona central del conceyu, y llenda: al norte cola parroquia de Castieḷḷo, al sur cola de Sotieḷḷo, al sureste cola d'Erías, al este cola de Casorvía y al oeste cola de Zurea. Tien una estensión de 8,79 km² y una población (INE, 2010) de 756 habitantes. Nella s'inclúin los 623 del pueblu homónimu, centru económicu y de servicios de la rodiada.

La parroquia, consagrada a Nuestra Señora de les Nieves, comprende los núcleos de población que vienen darréu: Campumanes, La Caseta'l Rublín, La Caseta los Sierros, El Coḷḷeu, Corneyana, Cuturresu, La Envarniega, L'Escobal, Ferreras, El Moclín, Montalegre, La Nozala, Las Pegas, La Rasa Baxo, El Reúndu, Río, La Rúa, Salas, Tiós y La Torre.

Bibliografía

• Espediente colos topónimos oficiales de Ḷḷena
• VV.AA., Diccionario geográfico de Asturias. Uviéu, Editorial Prensa Asturiana, 2000.