Humberto Gonzali

Humberto Gonzali

Humberto Gonzali (Figareo, Mieres, 1961) ye un escritor asturianu, xestor cultural y políticu, que ta consideráu como ún de los autores más destacaos d'Asturies. Foi miembru de l'asociación Conceyu Bable y profesor de llingua asturiana.

En 1985 ye nomáu secretariu nacional de la Xunta pola Defensa de la Llingua Asturiana, onde coordinó numberoses acciones de protesta pola denegación de derechos llingüísticos, destacando les promovíes ante la sanción al factor de FEVE de Nava por usar la toponimia tradicional. Xunto con Juan Bonifacio Lorenzo Benavente y Xicu Monteserín funda en 1988 Orbayando, revista asturiana d'información, que codirixe hasta l'añu 1990. Nel 1990 crea con otros autores asturianos l'asociación Escritores y Traductores en Llingua Asturiana (ETLLA) de la que foi'l so presidente. Durante esta presidencia escribió, ente otros, a la ONU, a la UE, al Vaticanu, al Rei d'España, al presidente del Gobiernu Español y a tolos ayuntamientos asturianos, pidiendo un tratu dignu pa la llingua asturiana asina como la so oficialidá. En 1992 empobinó los trabayos que llevaron al envíu al gobiernu d'Asturies d'una Propuesta de Llei d'Usu y Protección de la Llingua Asturiana. Entamó contactos con Galeusca, promoviendo l'aconceyamientu en Xixón de la directiva d'esta entidá onde se pide l'ingresu de los escritores asturianos, midida pa la que llogra l'apoyu de l'Associació d'Escriptors en Llengua Catalana. Presidió dempués, dende la so nacencia en 1996, la Sociedá d'Escritores en Llingua Asturiana (SELLA), y anguaño coordina la directiva del Conceyu d'Escritores Asturianos dende l'añu 2004. Promovió la IV Xunta d'Escritores Asturianos celebrada en Villaviciosa en 1996, y promovió y foi'l coordinador de la V Xunta d'Escritores Asturianos fecha en Lluanco en 1998. En 2006 crea l'Arribada, foru de lliteratura qu'impulsa nel conceyu de Xixón. Milita nel Partido Popular, siendo integrante de la so Xunta Local xixonesa, ansí como Asesor del Grupu Municipal. Ye miembru de la Xunta Rectora de la Fundación Municipal de Cultura, Deportes y Universidá Popular de Xixón; amás de miembru de númberu de representación nel RIDEA. Ye tamién l'actual presidente del Círculu Lliberal, asociación d'ámbitu asturianu que tien como oxetivu l'actividá cultural alrodiu del pensamientu lliberal.

Obra

Poesía

• Augua d'invocación (Uviéu : Alvízoras Llibros,1988) - Xixón: Mercantil Asturias. 48 pax; 22 cm. ISBN:84-86889-06-5. Colección Poesía nº3.
• Poemes en prosa (Uviéu : Ámbitu,1992) - Uviéu: Servigrafic. 26 pax; 21 com. DL: AS-971-92. Colección Poesía nº11.
• Hábitat azul (Mieres : Editora de Norte,1995) - Xixón: Gráficas Posada. 38 pax: il; 24 cm. ISBN: 84-88660-20-0. Coleición de poesía asturiana nº 7.
• Ámbitu elemental (Uviéu : Trabe,1997) - Uviéu: Grafinsa. 33 pax: retr.; 20 cm. ISBN: 84-8053-072-3. Colección La fonte de fascura nº13.
• Del país de la caliza -IV Premiu de Poesía "Fernán Coronas"- (Mieres : Editora del Norte,1997) - Xixón: Gráficas Posada. 40 pax: retr.; 23 cm. ISBN: 84-88660-59-6. Coleición de poesía asturiana nº12.
• Les esferes del tiempu (Uviéu : Trabe,1998) - Xixón: Apel. 102 pax; retr.; 21 cm. ISBN: 84-8053-104-5. Colección Albera nº2.
• De nueche y agua -la tercera parte del llibru ye Premiu Sestu Certame Lliterariu "Vital Aza" 1999- (Uviéu : Trabe,2000) - Xixón: Apel. 117 pax: retr.; 21 cm. ISBN: 84-8053-158-4. Colección Albera nº14.
• Tiempu de nós (Uviéu : Trabe,2001) - Publidisa. 81 pax: retra.; 20 cm. ISBN: 84-8053-180-0. Colección La fonte de fascura nº22.
• Decenariu (Uviéu : Trabe,2005) - Xixón: Mercantil Asturias. 132 pax: 21 cm. ISBN: 84-8053-385-4. Colección Albera nº41.

Narraciones

• Anatomíes de la mañana (Xixón : VTP,1995) - Uviéu: Grafinsa. 39 pax: 20 cm. ISBN: 84-88034-83-0. Coleccion Domus nº2.
• Histories escabroses (Xixón : VTP,2002) - Xixón: Apel. 68 pax: 21 cm. ISBN: 84-89880-61-1. Colección Domus nº16.

Traducciones

• Un furacu n'alambrera/Un trou dans le grillage (Madrid : SM,1991), del francés François Sautereau. - Madrid : Grafilia. 195 px. 19 cm. ISBN: 84-348-3464-2. Colección El barcu de vapor serie Naranxa nº7.
• Piedra de llerón/Pedra de tartera (Uviéu : Trabe,1992), de la catalana María Barbal. - Xixón: Lidergraf. 105 pax: 20 cm. ISBN: 84-8053-010-3. Colección Incla interior nº4.
• De Polyglotte Melkboer (Utrech,1991) - Edición especial pa coleccionistes: Ex Oficina Gergoviana Loon op Land 1990.

Otros

• El Pixín, revista infantil n'asturianu (Xixón : Llibros del Pexe, 1996). - Xixón: Apel. V.: il. col.; 23 cm. DL: AS.1340-1996.
• Obra poética en Lletres Asturianes, boletín de l'Academia de la Llingua Asturiana: Nºs. 22(1986), 29(1988), 32(1989), 71(1999), 74(2000), 77(2001), 89(2005), 95(2007).
• Hábitat d'amor en Adréi (Uviéu, 1987)
• Obra poética en Suplementos del Norte , revista de Editora del Norte; nºs. 2(1994), 3(1995).
• Obra poética en Sietestrellu (Uviéu : Trabe,1996), revista de lliteratura.
• Poemes en prosa en Lliteratura nº15, revista de l'Academia de la Llingua Asturiana.
• Cinco poemes en Leer el Paisaje , 4 de payares, Jardín Botánico Atlántico (Xixón, 2007).

Antoloxíes

• Poesía
  • II Xunta d'Escritores Asturianos – Llanes [antoloxía poética](Uviéu : SPPA, 1.989)
  • Muestra corregida y aumentada de la Poesía en Asturias (Uviéu : SPPA, 1.989)
  • Nórdica [antoloxía billingüe asturianu-castellanu](Xixón : Llibros del Pexe, 1994)
  • Xeitos de falar: mostra de poesía asturiana / Berta Piñán, Humberto Gonzali, Alfonso Velázquez [antoloxía bilingüe asturianu-gallegu](A Coruña : Edicions Río Xuvia, 1.999)
  • Amoriando. Dellos poemes d’amor y desamor (Xixón : El sombreru de Virxiliu, 2.000)
  • Antoloxía Poética Asturiana 1639-2000 [antoloxía billingüe asturianu-rusu] (Xixón : Coleutivu Manuel Fernández de Castro, 2000)
  • Los cien meyores poemes en llingua asturiana (Uviéu: Ámbitu, 2001)
  • Nesta tierra que piso. Antoloxía de poetes de Mieres (Uviéu . Ámbitu, 2.001)
  • Escritores en Llanes (Principáu d'Asturies : Uviéu, 2.004)
  • Cuarenta Poemes (Uviéu : Xunta Xeneral del Principáu, 2.005)
  • Dorna. Expresión poética galega nº 30. (Santiago de Compostela : Servizo de Publicacións e Intercambio Científico da USC, 2005)
  • Al aldu, poesía pal segundu ciclu d'ESO (Uviéu : Trabe, 2006)
  • Cancioneru-Lírica d'ayeri y de güei (Uviéu : Trabe, 2007)
• Narrativa
  • Cuentos Curtios. Relatos premiaos-Tertulia Cultural El Garrapiellu (1.997)
  • Cinco años de Lliteratura Asturiana (Mieres : Editora del Norte, 1.998)
  • Esconderites (Uviéu : Ámbitu, 2.002)
  • Escondites [versión en castellanu](Uviéu : Ámbitu, 2.003)
  • Antoloxía del cuentu eróticu (Uviéu : Ámbitu, 2.004)
  • Cuentos mínimos (Uviéu : Xunta Xeneral del Principáu, 2.007)
  • Xixón de novela (Xixón : Oficina Municipal de la Llingua. Ayuntamientu de Xixón, 2.007)

Enllaces esternos

• Humberto Gonzali
• DEL PAÍS DE LA CALIZA (blogue lliterariu d'Humberto Gonzali
• LA REVOLADA (blogue d'Humberto Gonzali n'El Comercio Dixital)
• L'ARRIBADA vagamar lliteraria en Xixón
• L'Asturies Lliberal