Zoroastru
Zoroastro (en griegu: Ζωροάστρης, Zōroastrēs) o Zarathustra (n'avésticu: Zaraθoštra), na nuesa llingua Zaratustra ye'l nome del profeta fundador del mazdeísmu (o zoroastrismu). Sábese pocu o nada d'él de manera direuta, y les poques referencies que se conocen tán arrodiaes de misteriu y lleenda.
Oríxenes [editar]
Hai discrepancies sobre'l llugar de nacencia de Zoroastro. Según delles corrientes nació en Rhages (cerca de Teherán, n'Irán), según otres n'Afganistán o Kazakstán.[1]
Otres fontes argumenten que Zaratustra ye más bien un títulu dau a una serie de maestros (hasta cuatro), más que'l nome d'unu concretu d'ellos, y que l'home al que solemos referinos como Zoroastro sería'l postreru de la serie. Por aciu cálculos indireutos sobre vagues referencies a otros personaxes coetáneos o posteriores, envalórase que nació ente'l principiu del primer mileniu edC y el sieglu VI edC.[2]
