Zoroastrismu
El zoroastrismu o mazdeísmu ye'l nome de la relixón y filosofía basada nes enseñances del profeta y reformador iranín Zoroastro (Zaratustra), que reconocen como divinidá a Ahura Mazda, consideráu por Zoroastro como l'únicu creador increáu de too.
Terminoloxía [editar]
El términu zoroastrismu ye una construcción moderna que, según el Diccionariu Oxford, apaeció en primer llugar en 1874 en Principios de filoloxía comparada d'Archibald Sayce. La primer referencia a Zoroastro n'Occidente atribúise a Thomas Browne, quien refierse a él brevemente nel so llibru Religio Medici.
El términu mazdeísmu probablemente derive de Mazdayasna, una espresión compuesta del avésticu que combina l'últimu elementu del nome Ahura Mazda y la palabra avéstica yasna, que significa devoción.
