Zodiacu occidental

De Uiquipedia
Saltar a: navegación, buscar
Zodiacu de Dendera n'Exiptu.

El Zodiacu ye un enxeme tradicional de dolce constelaciones al traviés de les que pasa la eclíptica del Sol, o'l traxeutu del Sol nos cielos. Realmente les constelaciones del zodiacu modernu son trelce, sicasí Ophiuchus nun ta incluyida nin nel zodiacu astrolóxicu nin nel tradicional. N'otres culturas, como la china o la védica tamién esiste esti zodiacu pero con nome y representaciones diferentes.

N'astroloxía les constelaciones del zodiacu definen los dolce signos, emplegándose como métodu d'aldovinación y siendo la base pa la confecha d'horóscopos. El signu presente na data de nacencia rellaciónase col nacíu, marcando asina la so conducta y vezos de por vida.

Estos signos foron nomaos pol astrónomu exipcianu Ptoloméu nel sieglu II, emplegando'l sistema astrolóxicu sumeriu. Malque signos y constelaciones tengan el mesmu nome hai una diferencia pergrande; asina los signos son seiciones del cielu del mesmu tamañu y abarcan 30º correspondiendo a una dómina determinada del mes. Si qu'asina les constelaciones son de formes irregulares y unes más grandes qu'otres y amás nun siempres signu y constelación tán na mesma data, como asocede claramente con Ophiuchus que siendo una constelación zodiacal con un períodu dau nel cielu nun tien representación astrolóxica; como se representa na viniente tabla:

Signu Símbolu Data de nacencia Dates astronómiques reales
(en 2000)
Tropical Sideral
Aries carneru, ♈ 21 de marzu - 19 d'abril 14 d'abril - 14 de mayu 19 d'abril - 13 de mayu
Tauru güe, ♉ 20 d'abril - 20 de mayu 15 de mayu - 14 de xunu 14 de mayu - 19 de xunu
Xémini ximielgos, ♊ 21 de mayu - 20 de xunu 15 de xunu - 16 de xunetu 20 de xunu - 20 de xunetu
Cáncer cangrexu, ♋ 21 de xunu - 22 de xunetu 17 de xunetu - 16 d'agostu 21 de xunetu - 9 d'agostu
Leo lleón, ♌ 23 de xunetu - 23 d'agostu 17 d'agostu - 16 de setiembre 10 d'agostu - 15 de setiembre
Virgo virxe, ♍ 23 d'agostu - 22 de setiembre 17 de setiembre - 17 d'ochobre 16 de setiembre - 30 d'ochobre
Llibra balanza, ♎ 23 de setiembre - 22 d'ochobre 18 d'ochobre - 16 de payares 31 d'ochobre - 22 de payares
Escorpión escorpión, ♏ 23 d'ochobre - 21 de payares 17 de payares - 15 d'avientu 23 de payares - 17 de payares
Saxitariu arqueru, ♐ 22 de payares - 21 d'avientu 16 d'avientu - 14 de xineru 18 d'avientu - 18 de xineru
Capricornu cabra, ♑ 22 d'avientu - 19 de xineru 15 de xineru - 12 de febreru 19 de xineru - 15 de febreru
Acuariu aguador, ♒ 20 de xineru - 19 de febreru 13 de febreru - 14 de marzu 16 de febreru - 11 de marzu
Pisces pexe, ♓ 20 de febreru - 20 de marzu 15 de marzu - 13 d'abril 12 de marzu - 18 d'abril

Les dates zodiacales tropicales (les que tacen el zodiacu emprincipiando pel equinocciu de primavera) empléguense principalmente nes cultures ocidentales. Por embargu, les dates siderales (les que tacen el zodiacu emprimando pel alliniamientu'l Sol con una estrella distante d'Aries, primer puntu d'Aries), empléguense nes otres cultures.