Xipa guasú

Xipa guasú
Nome	Xipa guasú
Detalles
Ingredientes	Zea mays
Más información
	[editar datos en Wikidata]

La Xipa Guasú tamién llamada chipa guasú, ye un pastel de maíz cocíu al fornu (tatacua en guaraní), y constitúi una de les 70 variedaes identificaes de xipa, comida orixinaria de los guaranís, y polo tanto, típica del Paraguái y del Noreste arxentín (zones qu'heriedaron munches coses de la cultura guaraní).

Ye guarnición obligada nos “asaos” (xuntes de calter social y/o familiar que se realicen al rodiu la mesa na que se sirven distintos cortes de carne vacuno o gochu, chorizos y morcielles).

Como tou platu de la gastronomía paraguaya poseye, por razones d'orde históricu debidamente comprobaes, un altu valir proteicu.

Orixe del nome[editar | editar la fonte]

La “xipa guasú” debe'l so nome a la conxunción de dos vocablos. El primeru, “xipa”, que xenéricamente noma a un conxuntu de pasteles d'estremaos tipos que tienen al maíz como base de preparación y que faen parte del denomáu “tyra”, términu guaraní que sirve pa denomar tou alimentu que se consume p'acompañar al “mate cocío”, el lleche o'l café, o que simplemente prepárase pa s'usar de complementu d'otros platos. El segundu de los vocablos qu'intervienen na formación del nome, “guasú”, significa en guaraní “grande”, de que s'albidra que la “chipa guasú” ye, de dalgún xeitu, la más grande de les xipes.

Ingredientes[editar | editar la fonte]

Empléguense na preparación de la “xipa guasú” cebolles medianes, agua, sal fino, grasa de gochu o mantega vexetal, güevos, quesu fresco, lleche y maíz (panoya tierna de maíz).

Preparación[editar | editar la fonte]

Prepárense les cebolles nún sartén con una pizquina d'aceite y sal, y déxase enfriar. Mázase la grasa (o mantega vexetal, o bien, tamién pue utilizase aceite) hasta que quede blanco y esplumoso y amiéstense ún a ún los güevos y el quesu esfaraguyao, ensin dexar de mazar la mestura. Amiéstase la cebolla, l'agua d'ésta y el maíz rallao o pasaos per máquina de moler (tamién puen llicuase o procesar), y el lleche.

Mécese llueu too comenientemente y vértese la pasta obtenío nún recipiente pa fornu. Cocínase en fornu, llixeramente caliente (a 200 °C) per una hora y media, o hasta que, al pinchalo, ésta salga seco.

Otra variable de “xipa guasú” pue preparase ensin güevos, nesi casu se añadiráse más lleche.

Otros datos d'interés[editar | editar la fonte]

La “xipa guasú” prepárase como la “sopa paraguayo” pero utilizando maíz en llugar de fariña de maíz.

Según dalgunos estudiosos de la historia social del Paraguái, tola gastronomía popular paraguaya que se solidifica como pequeña industria familiar llueu de la Guerra del Paraguái escontra la Triple Alianza (Arxentina, Brasil y Uruguái, ente 1864 y 1870), ye mui contundente en conteníu calóricu pos la situación que sobrevieno nel país llueu del xenocidiu que significó esi gran conflictu bélicu fizo que los alimentos escasearen, por esa razón tola cocina paraguaya tien altu conteníu proteicu atendiendo al fechu de que les comíes diaries yeren escases.

Referencies[editar | editar la fonte]

“Tembi’u Paraguái” de Josefina Velilla de Aquino

Referencies[editar | editar la fonte]

Enllaces esternos[editar | editar la fonte]