Xibe

De Uiquipedia
Saltar a: navegación, buscar

Los xibe (Chinu: 錫伯族; Pinyin: Xībó zú) son ún de los 56 grupos étnicos oficialmente reconocíos pol gobiernu de la República Popular China. La so población aprosimada nel año 2004 yera d'unes 188.000 persones qu'habiten principalmente na Rexón autónoma Uigur de Xinjiang y nes provincies de Liaoning y Jilin.

Idioma[editar | editar la fonte]

Los xibe tienen el so propiu idioma perteneciente a la rama de llingües manchú-tungús de la familia de les llingues altaiques. Esti idioma tien grandes semeyances col manchú del que se cree que pue ser un dialeutu.

Créese qu'esti idioma tenía'l so propiu sistema d'escritura qu'esapaeció a lo llargo de la dinastía Qing. Anguaño úsase un sistema d'escritura sofitáu na ortografia manchú. Güei en día, la mayoría de los Xibe tienen el mandarín como llingua materna

Hestoria[editar | editar la fonte]

Orixinariamente, los xibe habitaben nes orielles del ríu Nonni. Sábese que foi ún de los nueve reinos derrotaos pol emperador Nurhaci de los jurchen na batalla de Gure nel añu 1593. Más sero quedaren baxo dominiu de los mongoles inclusu dempués de qu'aportare la dinastía manchú de los Qing.

El primer contautu de los xibe colos Qing féxose cuando s'entamaren diverses campañes militares escontra Rusia. Los Xibe proporcionaren sofitu lloxísticu a los Qing. En 1692 los mongoles ufrieron el control sobro los xibe y los daur al emperador Kangxi a cambiu d'un pagu en plata.