Xandru Fernández

Xandru Fernández (* Turón, Asturies, 1970) ye un escritor asturianu en llingua asturiana.

Llicenciáu en Filosofía pola Universidá d'Uviéu, anguaño exerce de profesor de l' asignatura de mesmu nome nel institutu públicu de Lluanco.

La so obra ye una de les más bayuroses de la segunda xeneración del Surdimientu. Compónse de noveles, poesía y llibros de rellatos; amás de delles tornes d'autores como Franz Kafka, Thomas Mann y Friedrich Nietzsche.

Arriendes d'ello conozse la so faceta de lletrista musical, perespecialmente como collaborador del grupu de rock Dixebra, manteniendo amás colos sos miembros rellación d'amistá.

Ganó, ente otres coses, el Premiu de narrativa Xosefa de Xovellanos en 1994 (El club de los inocentes), 1999 (El suañu de los páxaros de sable) y 2011 (El príncipe derviche) y el Xuan María Acebal de poesía de 2008. Foi promotor d'estremaes iniciatives culturales, columnista del selmanariu Les Noticies y miembru del conseyu editorial de la revista d'ensayu Tiempu de Nós.

Obra

• Novela:
  • El silenciu en fuga (1990)
  • Tráficu de cuerpos (1990)
  • El club de los inocentes (1994) (Premiu Xosefa de Xovellanos)
  • El suañu de los páxaros de sable (1999) (Premiu Xosefa de Xovellanos)
  • Los homes de bronce (2001)
  • Les ruines (2005, Ediciones Trabe; reeditáu en 2011, Suburbia ediciones)
  • El nuesu mar de los sargazos (2005)
  • La banda sonora del paraísu (2006)
  • El príncipe derviche (2012, Suburbia ediciones)

• Poesía:
  • Primer bestiariu (1990)
  • Breviariu de la diáspora (1993)
  • Lletra muerto (1998)
  • Servidume (2000)
  • Les vides incompletes (2009) (Premiu Xuan María Acebal)
  • Restauración. Antología poética (2010, Ediciones Trea, versión billingüe)

• Rellatos:
  • Del llaberintu al trenta (1995)
  • Les cuentes del alma (2000)
  • Entierros de xente famoso (2008, Suburbia Ediciones)

• Traducciones:
  • La tresformación, de Franz Kafka
  • Mario y el magu, de Thomas Mann

Enllaces esternos

• Blogue de Xandru Fernández