WR 22

WR 22 A/B
Datos d'observación; (Dómina J2000.0)
Constelación	Carina
Ascensión reuta (α)	10h 41min 17,52s
Declinación (δ)	-59º 40’ 36,9’’
Mag. aparente (V)	+6,42
Carauterístiques físiques
Clasificación estelar	WN7 / O9V
Masa solar	72 / 25,7 M☉
Radiu	(20 / 11 R☉)
Magnitú absoluta	-5,73
Lluminosidá	1.440.000 / 130.000 L☉
Temperatura superficial	44.700 / 33.000 K
Variabilidá	Binaria eclipsante
Astrometría
Velocidá radial	33 km/s
Distancia	8800 años lluz (2700 pc)
Paralax	0,08 ± 0,34 mas
Sistema
Nᵁ de componentes	2
Referencies
SIMBAD	enllaz
Otres designaciones
	HD 92740 / HR 4188 / HIP 52308 / SAO 238553 / V429 Carinae
	[editar datos en Wikidata]

WR 22 (HD 92740)^[1] ye un sistema estelar na constelación de Carina. Ta acomuñáu a una rexón H II^[2] —nube de gas y plasma brillosa de gran tamañu na cual fórmense estrelles masives— y alcuéntrase a 2,7 kilopársecs de distancia del Sistema Solar. La so magnitú aparente ye +6,42, siendo observable a simple vista en condiciones de bona visibilidá.

WR 22 ye una estrella binaria compuesta por una estrella de Wolf-Rayet de tipu espectral WN7 y una estrella azul de la secuencia principal de tipu O9V. La estrella de Wolf-Rayet tien una temperatura efectivo de 44.700 K y una lluminosidá 1.440.000 vegaes superior a la lluminosidá solar. Tien un radiu 20 vegaes más grande que'l del Sol. La estrella azul tien una temperatura de 33.000 K y, magar ser 133.000 vegaes más lluminosa que'l Sol, ye 11 vegaes menos lluminosa que la so compañera. El so radiu ye 11 vegaes más grande que'l radiu solar.

WR 22 constitúi un sistema bien masivu, siendo la masa de la estrella de Wolf-Rayet 72 vegaes mayor que la del Sol y la de la so compañera 25,7 vegaes la de la nuesa estrella. Dambes estrelles pierden masa; nel casu de la estrella de Wolf-Rayet, esta perda envalórase en 1,6 × 10^-5 vegaes la masa solar cada añu.^[3] El periodu orbital d'esta binaria ye de 80,3 díes, siendo la órbita notablemente escéntrica (ε = 0,56). El semiexe mayor de la órbita ye de 1,68 UA. Los vientos estelares provenientes de dambes estrelles topeten formando una rexón de plasma d'alta temperatura —que puede superar los 10 millones de K— emitiendo una importante cantidá de rayos X.^[3]

WR 22 ye, coles mesmes, una binaria eclipsante, fluctuando el so rellumu 0,12 magnitúes en banda B. Tocantes a variable recibe'l nome de V429 Carinae.^[4]