Vientu

De Uiquipedia

El vientu ye un movimientu ñatural, xeneralmente horizontal de mases d'aire.

Los desequillibrios térmicos entre unos llugares y otros prevoquen diferencies de Presión atmosférica, que son les que prevoquen los vientos.

Asina, desencadénase un fluxu d'aire dende les presiones altes haza les baxes, con tendencia a seguir la direición del cambéu o gradiente de presión. Los gradientes fuertes de presión, que se representen nos mapes con isobares mui xuntes, dan llugar a vientos fuertes, metantu que ellí onde'l el cambéu de presión ye pequeñu, y polo tantu les isobares amuésense mui allonxaes ente elles, los vientos son febles.

L'instrumentu pa midir la direición y velocidá del vientu tien el nome d'anemómetru.

Tabla de conteníos 1 Menes de vientos 1.1 Direición 1.2 Fuercia 1.3 Temperatura 1.4 Continuidá 2 Enllaces esternos

[editar] Menes de vientos

[editar] Direición

Según la direición del vientu, n'Asturies tenemos:

• Foranu, (o Nortizu) vientu del Norte (N).
• Nordés, vientu del Nordeste (NE).
• Escariu, (o l'Estazu) vientu del Este (E). Si ye fuerte denómase Escairón.
• Escuernacabres, vientu del Sureste (SE).
• Arcia, (o l'Ábrigu) vientu del Sur (S).
• al Xove, vientu del Suroeste (SO).
• Caín, (o gallegu vientu del Oeste (O).
• Calambrión, vientu del Noroeste (NO).

[editar] Fuercia

Dependiendo de la so fuercia, tenemos:

• l'Otanu que ye abondo fuerte, o...
• l'Oral que ye suave o sonce.

[editar] Temperatura

Tamién según la temperatura:

• el Carbesu; cutu, fríu.
• l'Albadíu; templáu.
• el Soriu; calecíu.

[editar] Continuidá

Cuando'l vientu tira a intervalos, dicimos que tiren rabaseres d'aire. Un refellón, ye una rabasera curtia o intensa d'aire.

[editar] Enllaces esternos