Vicente López Carril

De Uiquipedia
Saltar a: navegación, buscar

Vicente López Carril, nació en La Coruña (España), el 2 d'avientu de 1942 y morrió en Xixón el 29 de marzu de 1980. Foi un ciclista profesional na decada de los años setenta al que los sos compañeros conocíen col nomatu d'El Candasu.

Prácticamente tola so carrera profesional la fizo col equipu vitorianu Kas. Foi un gregariu esceicional, n'especial pa José Manuel Fuente, El Tarangu, nes grandes vueltes por etapes, Tour de Francia, Giro d'Italia y Vuelta a España; pero ello nun foi pilancu pa que destacara con lluz propia nes grandes competiciones nacionales y internacionales. Ente los sos numberosos trunfos destaquen los absolutos na Vuelta a Asturies, Valles Mineros, Vuelta a Valencia y Vuelta a Mallorca, asina como’l Campeonatu d'España del añu 1974 que tuvo llugar en Mieres.

El finxu más altu del so palmarés foi el tercer puestu algamáu na clasificación xeneral del Tour de Francia del añu 1974, que ganó'l belxicanu Eddy Merckx.

Acabó la so carrera profesional nel equipu cántabru Teka.

El so fallecimientu tuvo llugar na Sablera de San Llorenzu de Xixón mientres xugaba un partíu de fútbol con unos amigos como consecuencia d'un corte de dixestión a lo que se xunió un derrame cerebral.

Tuvo un hermanu, Jesús, que tamién foi ciclista profesional nel equipu Teka.

Palmarés[editar | editar la fonte]

  • Vuelta a los Valles mineros (1971)
  • Etapa del Giro d'Italia (1971)
  • 4u nel Giro d'Italia (1972)
  • Vuelta a los Valles mineros (1973)
  • 9ª etapa del Tour de Francia (1973)
  • 1u nel Campeonato de España (1974)
  • 3u nel Tour de Francia (1974)
  • 11ª etapa del Tour de Francia 1974
  • 17ª etapa del Tour de Francia (1975)
  • 5u nel Tour de Francia (1975)
  • Vuelta a Valencia (1975)
  • Etapa de la Vuelta a España (1976)
  • Vuelta a Asturias (1977)

Enllaces esternos[editar | editar la fonte]