Vicente Enrique y Tarancón

Vicente Enrique y Tarancón
9. Arzobispo de Madrid-Alcalá (es)
Presidente de la Conferencia Episcopal Española (es)
Arzobispo de Toledo (es)
Cardenal
Vicepresidente de la Conferencia Episcopal Española (es)
2. arzobispu d'Uviéu
Obispo de Solsona (es)
Vida
Nacimientu	Borriana, 14 de mayu de 1907
Nacionalidá	España
Muerte	Valencia, 28 de payares de 1994 (87 años)
Sepultura	Colegiata de San Isidro (es)
Estudios
Llingües falaes	castellanu
Oficiu	sacerdote católicu, obispu católicu
	Participante Cónclave de octubre de 1978 (es) ; Cónclave de agosto de 1978 (es) ;
Miembru de	Real Academia Española
Creencies
Relixón	Ilesia Católica

Vicente Enrique y Tarancón (14 de mayu de 1907, Borriana – 28 de payares de 1994, Valencia) foi un cardenal español.

Vida[editar | editar la fonte]

Fíu d'una familia de campesinos de Burriana (Castellón), estudió nel seminariu de Tortosa, onde foi ordenáu sacerdote'l 1 de payares de 1929; doctoróse en Teoloxía pola Universidá Pontificia de Valencia. Primero foi coadutor y organista de la parroquia de Vinaròs; en 1931, nos entamos de la Segunda República, l'obispu de Tortosa destinólu temporalmente a la Casa del Consiliariu en Madrid pa participar na campaña itinerante de promoción d'Aición Católica; estalló entós la Guerra Civil, y Tarancón escribió La nueva forma del apostolado seglar (Vigo, 1937).

Nel tiempu de la Guerra Civil la ilesia católica española creyó mayoritariamente en na "Cruzada" relixosa del franquismu contra la amenaza del anticlericalismu republicanu; más sero, ensin embargo, el propiu Tarancón llegaría a padecer un anticlericalismu diferente, el de dereches; de momento tornó a Vinaroz en 1938 como párrocu y arcipreste, y d'ellí pasó al arciprestalgu de Villarreal en xunetu de 1943. Foi nomáu obispu de la pequeña diócesis de Solsona a los trenta y ocho años, en 1945: el más mozu de la España d'aquel tiempu. La publicación en 1950 de la pastoral social El pan nuestru de cada día contra l'estraperlu fízolu cayer en desgracia ante los políticos y ante el catolicismu integrista; ensin embargo, na so diócesis dexó d'especulase col preciu del trigu y hubo menos fame. Tal vez por esto la so carrera eclesiástica permaneció estancada a lo llargo de 18 años nesa mesma diócesis.

Pese a ello, foi nomáu a mediaos de los años 50 secretariu de la Conferencia Episcopal Española; foi relator del Sínodu d'Obispos en Roma; participó nel Conceyu Vaticanu Segundu (1962-1965), nel que foi nomáu papa Pablu VI en 1963, que curiaría de la so carrera dende entós.

Ente abril de 1964 y xineru de 1969 foi arzobispu d'Uviéu. Darréu convirtióse n'arzobispu de Toledo (1969-1971) por un breve periodu, y depués pasó al frente de l'archidiócesis de Madrid (1971-1983); Pablu VI entregó-y yá'l capelu cardenaliciu n'abril de 1969, lo que nun dexó de sorprender nos círculos integristes y políticos de la dictadura. La so influencia fízose notar sobre too cuando entamó a presidir la Conferencia Episcopal Española, cargu qu'ostentó ente 1971 y 1981, nel periodu que foi dende la Dictatura hacia la Democracia, popularmente conocíu como Transición. Nel funeral de la mano derecha del dictador, Luis Carrero Blanco (1973), foi insultáu polos ultres al glayíu de "Tarancón, al paredón", varios ministros negaron-y el saludu y tuvo que salir pela puerta trasera de la Ilesia de San Francisco'l Grande pa evitar agresiones. En 1974, con ocasión del Casu Añoveros, l'obispu de Bilbao al que'l réxime detuvo pa mandalo al exiliu por mor d'una pastoral, Tarancón fizo llorar al Xefe de Estáu cuando-y comunicó que lu excomulgaríen si executaba la citada orden d'expulsión. Como afirmó en Confesiones, les sos memories, asoleyaes de forma póstuma en 1996, intentó deslligar a la Ilesia de la dictadura porque creía que la mesma pagara un preciu moral por sofitar al réxime que los ciudadanos nun llegaron a perdonar nunca. La so homilía nel actu relixosu celebráu na Ilesia de Los Xerónimos depués de la proclamación de don Xuan Carlos I como rey (payares de 1975), simbolizó l'apertura de la Ilesia española a la democracia, facilitando'l periodu conocíu como transición. En 1983, por razones d'edá, dimitió del so cargu como arzobispu de Madrid, retirándose a la so tierra natal, onde morrió en 1994, siendo enterráu en la Colexata de San Isidro, en Madrid.

Predecesor: Valentín Comellas Santamaría	Obispu de Solsona 1945 – abril de 1964	Socesor: José Bascuñana López
Predecesor: Francisco Javier Lauzurica y Torralba	Arzobispu d'Uviéu abril de 1964 – xineru de 1969	Socesor: Gabino Díaz Merchán
Predecesor: Enrique Plá y Deniel	Arzobispu de Toledo xineru de 1969 – avientu de 1971	Socesor: Marcelo González Martín
Predecesor: Casimiro Morcillo González	Arzobispu de Madrid avientu de 1971 – abril de 1983	Socesor: Ángel Suquía Goicoechea

Referencies[editar | editar la fonte]

↑ Afirmao en: Diccionario biográfico español. Identificador DBE: 6659/vicente-enrique-y-tarancon. Apaez como: Vicente Enrique y Tarancón. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ Afirmao en: Catholic-Hierarchy.org. Identificador Catholic Hierarchy de persona: enta. Data de consulta: 15 ochobre 2020. Llingua de la obra o nome: inglés.

Enllaces esternos[editar | editar la fonte]

[ac38c8d12612b044b90d22091596fb3cc3182b56-1] Afirmao en: Diccionario biográfico español. Identificador DBE: 6659/vicente-enrique-y-tarancon. Apaez como: Vicente Enrique y Tarancón. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

[5004934cd681725dd828cc894e2c420d01f19b82-2] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[1c646c874dd00dbc3c137947151abc0d80b25cce-3] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[216bc40d3d15837fc6928ddaad452297668d42fa-4] Afirmao en: Catholic-Hierarchy.org. Identificador Catholic Hierarchy de persona: enta. Data de consulta: 15 ochobre 2020. Llingua de la obra o nome: inglés.

[1]

[2]

[3]

[4]