Valle de Villaverde

De Uiquipedia
Saltar a: navegación, buscar

43°14′8.52″N 3°16′48.38″O / 43.2357000°N 3.2801056°W / 43.2357000; -3.2801056

Valle de Villaverde
Bandera de Valle de Villaverde Escudu de Valle de Villaverde
(En detalle) (En detalle)
Mapa:
Valle de Villaverde (Cantabria) Mapa.svg
[[]]
Mancomunidá Asón-Agüera
Provincia Cantabria
Comunidá Autónoma Cantabria
Estáu España
Población
 -Habitantes
 -Densidá
(2006)
383
18,89 hab/km2
Superficie
 -Total
 
19.53 km2
Mayor altitú 190 m
Códigu postal 39880
Prefixu telefónicu 942
Alcalde Pedro María Llaguno Artolachipi (PRC)
http://www.valledevillaverde.com

Valle de Villaverde (nomáu Villaverde de Trucíos ente 1822 y 2005)[1] ye un municipiu español de la comunidá autónoma de Cantabria. Como enclave cántabru nel País Vascu llenda colos conceyos vizcaínos de la fastera de Las Encartaciones de Carranza, Arcentales y Trucíos.

Nel sur del municipiu ta asitiáu el ñacederu del ríu Agüera. El municipiu ye trevesáu d'Oeste a Este pela llinia de ferrocarril Santander-Bilbao de la compañía FEVE, y tien una estación nomada "Villaverde de Trucíos".

Hestoria[editar | editar la fonte]

El área de Las Encartaciones, na que s'enclava'l Valle de Villaverde, tuvo habitada en tiempos prerromanos bien polos cántabros, bien polos autrigones; les llendes orientales cántabres ye probable qu'aportaren fasta los montes al oriente del ríu Agüera.[1]

El valle foi alquiríu a mediaos del sieglu XV por Pedro Fernández de Velasco, segundu conde d'Haro, dexando de pertenecer al señoríu de los Ayala y Salcedo, a los que tuvieren vinculaes Las Encartaciones mentantu la Edá Media, lo cualo foi l'antecedente de la so situación d'anguaño como enclave cántabru en Vizcaya.

En 1822, mentantu'l Trieniu Lliberal y la criación de los ayuntamientos constitucionales, el territoriu recibió'l nome de Villaverde de Trucíos. Cola dixebra provincial en 1833, Villaverde, como antiguu señoríu, foi xuníu a la provincia de réxime común más próxima Santander.[1]


Demografía[editar | editar la fonte]

Evolución demográfica
1900 1910 1920 1930 1940 1950 1960 1970 1980 1990 2000 2007
726 738 741 764 757 756 756 565 464 459 367 383

Fuente: INE

Política y gobiernu[editar | editar la fonte]

Al igual que Treviño (enclave burgalés allugáu n'Álava), esti territoriu ye reclamáu por dellos partíos nacionaliegos vascos como de so, anque les fuerces polítiques mayoritaries de Cantabria niégense dafechu a cedelu.

Ver Tamién[editar | editar la fonte]

Referencies[editar | editar la fonte]

  1. 1.0 1.1 1.2 Valle de Villaverde: Historia, cantabria102municipios.com. Accedido en 01-04-2010.