Urdu

De Uiquipedia
Saltar a: navegación, buscar

L'urdu ye una llingua falada fundamentalmente en Pakistán ya India. En Pakistán ta considerada la llingua nacional, mientres que n'India ye una de les 24 llingües oficiales nel país.

A pesar de la so condición de llingua nacional de Pakistán, namái unos diez millones de persones nesi país (un 8% de la población total) fálenla como llingua materna. Esti pequeñu porcentax fórmalu los nomaos "mohajir" (‘emigrantes’ en urdu), la élite social y económico de Pakistán que vien de los refuxaos musulmanes que fuxeron del norte de la India tres la partición de l'antigua India británica en 1947, cuando surdieron los dos estaos independientes d'India y Pakistán.

Por cuenta de la semeyanza ente'l urdu y l'hindi, los falantes de les dos llingües polo xeneral puen entendese nun nivel básicu si dambes partes abstiénense d'utilizar el vocabulariu especializáu o les diferencies dialeutales. Dellos llingüistes consideren-yos como parte d'una mesma llingua y sostienen que son consideraos como dos llinguaxes distintos por razones político-relixoses. La diferencia ente dambes llingües aníciase en qu'el urdu ye utilizáu como llingua escrita por falantes musulmanes y escríbese nuna forma llixeramente afecha del alfabetu persa (variante de la mesma del alfabetu árabe). L'hindi escríbese nel alfabetu devánagari, orixinalmente emplegáu pal sánscritu, y ye utilizáu polos falantes hinduistes. Inda que la llingua coloquial ye práuticamente la mesma, la norma culta del urdu fai usu de numberosos términos d'orix árabe y persa, mientres que'l hindi recurre, n'estilos formales, al sánscritu como fonte de vocabulariu cultu. La forma falada común del urdu y l'hindi nómase, de cutiu, hindustanín.