Tratáu de Maastricht

De Uiquipedia
Saltar a: navegación, buscar
Xunión Europea 1992/1993

El Tratáu de Maastricht, robláu nel 1992 polos Ministros d’Asuntos Esteriores y d’Economía de los Estaos miembros que d'aquella formaben la Comunidá Económica Europea, foi'l tratáu pol que s'establecieron les condiciones pa la creación de la Xunión Europea. Ye conocíu oficialmente asina, como Tratáu de la Unión Europea, ya recueye l'enfotu de los estaos firmantes por algamar: la xunión política, a partir del conceptu de la "unión de ciudadanos"; la posible xunión monetaria baxo'l mandáu d'un Bancu Central Européu; el desarrollu de polítiques comunes n'asuntos esteriores ya defensa, faciendo de la Unión Europea Occidental el brazu armáu de la UE; una mayor cooperación en custiones mediuambientales; el reforzamientu del Parllamentu Européu; y la "subsidiariedá", ye dicir, l'establecimientu d'una clara dixebra ente les competencies y responsabilidaes de les instituciones supraestatales y les de cada ún de los estaos miembros.

La so ratificación viose complicada poles rocees de dellos países a determinaes cláusules. Asina, el rechazu británicu al llamáu Capítulu Social, una parte del tratáu que protexía los derechos de los trabayadores, fizo qu'ésti fora retiráu del testu final y fora robláu polos demás estaos como un protocolu separtáu. Esto camudó dempués del 1997, pues tres la victoria, en mayu, de los llaboristes nes eleiciones llexislatives, el Reinu Uníu firmó'l protocolu.

Pero nun foi ésti l'únicu problema. Los británicos aseguráronse tamién el drechu a nun formar parte de la moneda única; y Dinamarca refugó nun primer referéndum la robla del tratáu, y sólo l’aceptó nuna segunda vuelta na que se reservaba la posibilidá de nun adoptar delles decisiones comunitaries rellacionaes cola unión monetaria, la ciudadanía única y la política de defensa.

Pesie a toos estos problemes, el Tratáu de Maastricht fízose efectivu por fin el primeru de payares de 1993. A partir d’esi momentu, 500.000 millones de persones entamaron a tener la ciudadanía europea.

Enllaz esternos[editar | editar la fonte]