Trés

Esti artículu ye pal númberu 3. Pal añu 3, ver 3. Pa otros emplegos, ver Tres (dixebra).

El trés (3) ye'l númberu natural que sigue al dos y preciede al cuatro.

Propiedaes matemátiques

• El 3 ye'l segundu númberu primu y el primer númberu primu impar. Amás, el 3 ye'l primer númberu primu de Fermat (n = 0), y el siguiente númberu primu de Fermat ye'l 5.

• El 3 tamién ye'l segundu númberu triangular, dempués del 1 y enantes del 6.

• El 3 ye'l cuartu términu de la socesión de Fibonacci, dempués del 2 y primer del 5.

• El polígonu de 3 llaos recibe'l nome de triángulu. Si los trés llaos son de distintu llargor, ye un triángulu escalenu; si dos llaos son iguales ye un triángulu isósceles, si los trés llaos son iguales ye un triángulu equiláteru y, finalmente, si unu de los sos ángulos ye de 90°, entós, recibe la denominación de triángulu rectángulu, si tolos sos ángulos son menores de 90º, denominase triángulu agudu ; otra manera, si unu de los sos ángulos ye mayor de 90°, entós ye un triángulu obtusu.

• Si se multiplica un númberu por trés llógrase'l triple d'esi númberu; mientres que si se divide por trés llógrase un terciu. El cubu d'un númberu (dichu númberu multiplicáu 3 vegaes por sigo mesmu) represéntase col 3 como esponente, como en n³.

• Un númberu natural ye divisible ente trés si la suma de los sos díxitos ye divisible ente trés. Por casu, el númberu 21 ye divisible ente 3 (3 vegaes 7) y la suma de los sos díxitos ye 2 + 1 = 3. Esti procesu puede repitise cuantes vegaes sía necesariu (exemplu: 16 893 702 suma 36, 3 + 6 = 9, que ye claramente divisible ente 3). Por cuenta d'esto, la reversión de cualquier númberu que ye divisible ente trés (o nel so defectu, cualesquier permutación nos sos díxitos) ye tamién divisible ente 3. Asina, 1368 y el so reversu 8631 son dambos divisibles ente 3 (1 + 3 + 6 + 8 = 18) y tamién lo son 1386, 3168, 3186, 3618, etc.

Carauterístiques:

• En munches cultures el 3 represéntase pente medies de tres puntos, como nel casu de la numberación maya, o pente medies de tres trazos (horizontales o verticales). Por casu, na numberación romana (III) y na numberación china (三).

• Precísense 3 puntos de sofitu pa sostenese n'equilibriu p.ex.: el trébedes.

• P'alcontrar un puntu nun planu precísense 3 puntos de referencies.

• Son necesarios y suficientes 3 puntos ensin alliniar pa determinar un planu y una circunferencia.

• Esisten dellos prefixos que signifiquen trés y participen na construcción d'una gran cantidá de palabres d'usu cotidianu: ter y tri, como en terna y trinidá.

• Na cultura medieval cristiana ye un númberu perfectu. Simboliza'l movimientu continuu y la perfección de acabar, según símbolu de la Trinidá particularmente cuando unu de los vértices indica escontra riba como dirección espiritual, por tanto consideráu por creyentes como un númberu celeste.

• La regla de trés ye un principiu fundamental de la wicca.

Ver tamién

• Añu 3
• Tríu
• Trisquel
• Tres (instrumentu musical)
• Tres (cantar de Juanes)
• 3 (cantar)
• 3 (álbum)

Predecesor: 2

Númberos 3

Socesor: 4