Toro Sentáu

De Uiquipedia
Saltar a: navegación, buscar
Tatanka Iyotake, Toru Sentáu

Tatanka Iyotake, más conocíu como Toru Sentáu (n'inglés Sitting Bull) foi un xefe indiu norteamericanu de la tribu de los sioux hunkpapa. Vivió ente los años 1831 y 1890.

En sioux, Tatanka Iyotake significa «Bisonte Machu Sentáu». El nome de Toru Sentáu llegó al asturianu a traviés de la traducción del apelativu que se-y dio n'inglés, Sitting Bull, darréu que bull, arriendes de significar güe, utilízase pa denomar a los machos d'animales asemeyaos a los vacunos, como los bisontes.

Toro Sentáu fízose famosu al empobinar tres mil quinientos indios sioux y cheyenne escontra'l Séptimu de Caballería, que mandaba'l xeneral Custer, na batalla de Little Big Horn el 25 de xunu de 1876, que los estaunidenses perdieren.

Escorríu pol exércitu estadounidense, Toro Sentáu marchó colos sos homes a Canadá, au permanecieren hasta 1881. Nesi añu tornó cola so tribu a Estaos Xuníos pa que la so xente s'entregase y finaren les amarraces. Toru Sentáu algamó l'amnistía y l'exércitu respetólu.

Nos años vinientes a l'amnistía, Toru Sentáu trabayó nel show de Buffalo Bill.

Cuando se volvió mayor, Toru Sentáu sintiose atrayíu por unes dancies indies de calter místicu, que teníen el significáu de la espulsión del home blancu de les tierres de los indios. El gobiernu estaunidense albidraba series amenaces nestes dancies, ya unvió policías indios col envis de detener al antigu xefe. Toru Sentáu y el so fíu morrieren pola mor del xaréu que s'orixinó en talu intentu.