Toro

De Uiquipedia
Saltar a: navegación, buscar

Toro ye un conceyu de la provincia de Zamora, na comunidá autónoma de Castiella y Llión, España. Según el INE en 2010 tenía 9.748 habitantes.

Xeografía[editar | editar la fonte]

Allúgase nel nordeste de la península Ibérica. Averáu la ciudá dibuxase'l ríu Dueru, que colúmbrase dende'l tesu qu'ocupa la ciudá. Tamién percorren el so términu'l ríu Guareña ya'l regueru “Hornija”.

Hestoria[editar | editar la fonte]

Enantes de la invasión de la península polos Romanos, Toro conocíase polos fenicios col nome d’ Arbucala, (Mas información: "Aventura de los romanos en Hispania-Edit la esfera de los libros").

Economía[editar | editar la fonte]

Bultable pola so producción vinícola que, dada la so calidá, dende fai años merez la Denominación d'orixe Toro.

Monumentos[editar | editar la fonte]

  • Restos de la muria que protexera la ciudá.
  • Ponte del sieglu XV.
  • Colexata de Santa María la Mayor del sieglu XII, que a la so vez abelluga'l Pórticu de la Maxestá), románica ya gótica. Na sacristía tá'l perfamosu cuadru la mosca, asina como un Calvariu de marfil esceicional n'España ya una custodia de plata que tuviera en Londres fasta fai pocos años.
  • La Ilesia de San Salvador y San Llorienzu, los restos de San Pedro del Olmo ya Santa María de la Vega d'orixe mudéxar.
  • Arcu del reló del sieglu XVIII. Diz una lleenda qu'en l'argamasa pa la so construcción emplegóse vinu en llugar d'augua, pola gran cantidá que se producía y por ser más económico que xubir l'augua del riu Dueru.
  • Monasteriu de Sancti-Spiritus.
  • Plaza de toros, construída'n 1828, por enteru de madera.

Efemérides[editar | editar la fonte]

N'esta ciudá aconteciera la batalla de Toro ente Isabel La Católica y Juana «la Beltraneja», ganada pola primera, entamando asina la unidá d'España.

Francisco Iglesias Carreño nun aconceyamientu na ciudá de Toro entama'l proyeutu del "Partido Regionalista del País Leonés" (PREPAL) que pa finar foi llegalizáu na data 19 de setiembre de 1980.

Fiestes[editar | editar la fonte]

  • Antroidos: Declarada d'interés turísticu rexonal (febreru-marzu). L'Antroidu de Toro ye un de los más destacaos de Llión, y ye ún de los pocos que caltúvose nes prohibiciones pola mor de la Dictadura Franquista.
  • Selmana Santa.
  • Romería del Cristu les Batalles (Mayu).
  • Feria del Ayu de Toro (Xunu).
  • Feries ya Folixes de San Agustín (28 d'agostu ). N'estes hai un festexu nomáu Fonte del Vinu que consiste en poner una pipa de vinu na plaza Toros ya soltar un Novillo
  • Virgen del Canto: (8 de setiembre).
  • Fiesta de la Vendimia (12 d'ochobre). Na vendimia sal una filera de carros a l'antigua usanza.

Ciudaes hermanaes[editar | editar la fonte]

Ciudá País
 Condom Flag of France.svg Francia
 Dormagen Flag of Germany.svg Alemaña