The Clash

De Uiquipedia
Saltar a: navegación, buscar
The Clash
Clash 21051980 12 800.jpg
Nome {{{Nome_de_nacimientu}}}
Nomatu {{{Nomatu}}}
Nació {{{Nacimientu}}}
Morrió {{{Muerte}}}
Información musical
Orixe Londres, Bandera del Reinu Xuníu Reinu Xuníu
Xéneru Punk, ska, reggae, hard rock, rock & roll, funk, dub
Ocupación {{{Ocupación}}}
Instrumentos {{{Instrumentu}}}
Actividá 1976 - 1986
Discográfiques CBS, Epic (EE.XX.)
Rellacionáu con {{{Artistes_rellacionaos}}}
Páxina web
Miembros
Joe Strummer (†), Mick Jones, Paul Simonon, Topper Headon

The Clash foi una banda británica de punk formada en Londres, activa ente 1976 y 1986. El grupu foi unu de los más importantes y icónicos de la primer fola del punk aniciada a fines de los años '70, y amás de tocar punk rock, incorporó reggae, rockabilly, funk, jazz y dub ente otros variaos estilos nel so repertoriu.

Carrera[editar | editar la fonte]

The Clash taba originalmente formada por Joe Strummer (voz), Mick Jones (guitarra y coros), Paul Simonon (baxu), Keith Levene (guitarra) y Terry Chimes (batería), acreditáu nel so primer álbum como "Tory Crimes". El grupu fai'l so debú en 1977 pola CBS con un álbum homónimu, que yá amosaba leves traces del so estilu a futuru.

The Clash siempres esibió una intencionalidá política nes sos lletres que col tiempu volvióse una característica distintiva y fundamental. L'idealismu espresáu nes composiciones de Joe Strummer y Mick Jones oldeó col nihilismu de los Sex Pistols y la cencellez de Ramones, les otres bandes emblemes del punk na dómina. Anque'l so ésitu nel Reinu Xuníu foi inmediatu, la banda nun ganóse al públicu estaunidense hasta los años 80.

El so tercer álbum, London Calling (doble LP publicáu en 1979), ye consideráu unu de los meyores discos de la hestoria de la música Rock, calificáu pola revista "Billboard" como'l meyor discu de los años 1980, y según la revista "Rolling Stone", como l'octavu meyor de la hestoria na so llista de los 500 meyores álbumes de tolos tiempos, onde tamién figuren otros dos discos del grupu, The Clash (1977) y Sandinista! (1980), nes posiciones n.º 77 y n.º 404 respectivamente. Precisamente Sandinista! ye un triple LP, que orixinalmente foi puestu a la vienta pol preciu d'unu, por esixencia de la banda.

Dalgunos de les sos temes más reconocíes son "White Riot", "Tommy Gun", "London Calling", "Train in Vain", "(White Man) In Hammersmith Palais", "The Guns of Brixton", "Complete Control", "Rock the Casbah" y "Should I Stay or Should I Go". Esti últimu cantar foi un gran ésitu 6 años dempués de la disolución del grupu, por cuenta del so usu nuna campaña publicitaria pa la marca de vaqueros Levi's.

En 2003 fueron incluyíos nel Salón de la Fama del Rock asitiáu en Ohio, Estaos Xuníos. A lo llargo del tiempu, asitióse ente los fanáticos y los críticos el llamatu atribuyíu nuna ocasión pola so discográfica CBS Records, "the only band that matters" ("la única banda qu'importa") pa referi-y -yos. L'aplicación del mesmu refier a que'l grupu nunca s'esvió de los sos ideales nin de les sos costumes por buscar beneficios personales y económicos.

Discografía[editar | editar la fonte]

 *1977 - The Clash
 *1978 - Give 'Em Enough Rope
 *1979 - London Calling
 *1980 - Sandinista!
 *1982 - Combat Rock
 *1985 - Cut the Crap

Referencies[editar | editar la fonte]

Enllaces esternos[editar | editar la fonte]